थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ११ माघ २६४५, मंगर ]
[ वि.सं ११ माघ २०७८, मंगलवार ]
[ 25 Jan 2022, Tuesday ]

समीक्षा सहकारीको १५ औं वार्षिक साधारण सभा

पहुरा | १८ मंसिर २०७८, शनिबार
समीक्षा सहकारीको १५ औं वार्षिक साधारण सभा

पहुरा समाचारदाता
हसुलिया, १८ अगहन ।
कैलालीके कैलारी गाउँपालिका–७ बसन्तामे रहल समीक्षा महिला विकास बहुद्देश्यीय सहकारी संस्थाके १५ औं वार्षिक साधारण सभा सम्पन्न हुइल बा ।

कैलारी गाउँपालिकाके उपाध्यक्ष लक्ष्मी सत्गौंवाके वडका पहुनामे हुइल साधारण सभा सम्पन्न हुइल हो । उ अवसरमे सहकारीके हालसम दुई करोड रुप्यासे ढेरके आयव्यय प्रस्तुत करल रहे । ओस्टेक करके, सहकारीहे टमान क्षेत्रसे योगदान पुगैटी आइल व्यक्तिहे सम्मान करल बा ।

सम्मानित हुइलमे संस्थापक अध्यक्ष कलावती चौधरी, संस्थापक सदस्य विष्णुदेवी चौधरी, अमरानी चौधरी, वडा कार्यपालिकाके सदस्यहुक्रे फिरुराम चौधरी, मुसम्पीदेवी चौधरी, सुन्दरप्रसाद चौधरी ओ विष्णा सुनार रहल बटै ।

सहकारीके अध्यक्ष उर्मिला चौधरीके अध्यक्षतामे हुइल एको कार्यक्रममा वडा नम्बर ७ के वडा अध्यक्ष कमलप्रसाद चौधरी विशिष्ट पहुना रहल रहिट । कार्यक्रममे कैलारी गाउँपालिकाके महिला तथा बालबालिका शाखा प्रमुख बालकुमारी चौधरी, सुरक्षा निकायके अधिकारी, सहकारीके शेयर सदस्यहुकनके उपस्थिति रहल रहे ।

जनाअवजको टिप्पणीहरू