‘ राप्रपा महाधिवेशन ’
राप्रपा अध्यक्षमे राजेन्द्र लिङ्देन विजयी
पहुरा |
१९ मंसिर २०७८, आईतवार
काठमाडौं, १९ अगहन । कमल थापाहे हराके राप्रपा अध्यक्षमे राजेन्द्र लिङ्देन विजयी हुइल बटैं । अँट्वार बिहान सम्पन्न मत गणनामे लिङ्देन थापाहे १९९ मत अन्तरसे हरैटि अध्यक्षमे निर्वाचित हुइल हुँइट् ।
राप्रपा नेता मोहन श्रेष्ठ मतगणनास्थलसे जानकारी डेहल अनुसार लिङ्देन १८१७ ओ थापा १६१८ मत नन्ले बटैं । ४३१ मत बदर हुइल श्रेष्ठ जानकारी डेलैं ।
यीबीच, अध्यक्षमे पराजित थापा सामाजिक सञ्जालमार्फत लिङ्देनहे बधाई डेटि मत परिणाम स्वीकार करल बटैं ।
उहाँ पार्टीभित्तरके आन्तरिक प्रतिस्पर्धामे पूर्व राजा ज्ञानेन्द्र शाह हस्तक्षेप करल आरोप लगैटि भत्सर्ना करले बटैं । उहाँ लिख्ले बटैं, ’सिंगो मुलुक गणतन्त्रमय हुइल बेला शिरमे कफन बाँधके २०६३ सालसे राजसंस्था बोकके नेंगल पुरस्कार आज पागिल । उ एजेण्डाके मूल संवाहकहे राजनीतिकरुपमे समाप्त परना करल चेष्टासे राजाके भला होए ।’
