लैङिक हिंसा काहे बह्रटा ?
महिला पुर्नस्थापना केन्द्र, ओरेकसे पुस महिनामे २३५ ठो महिला हिंसा हुइल तथ्याङक सार्वजनिक करले बा । पुष महिनामे ओरेकके कार्यालयमे २०६ ठो अभिलेखिकरण करल ओ टमान राष्ट्रिय पत्रपत्रिकासे प्राप्त २९ करके २३५ ठो लैङिक विभेदमे आधारित हिंसाके तथ्याङक संकलन हुइल बा ।
उ अभिलेखीकरणमे १४६ ठो (६२ प्रतिशत) घरेलु हिंसाके तथ्याङक संकलन हुइल बा । जेम्ने २७ ठो (११ प्रतिशत) सामाजिक हिंसाके घटना, २४ ठो (१० प्रतिशत) बलात्कारके घटना, १८ ठो (८ प्रतिशत) यौन दुव्र्यवहारके घटना, ९ ठो (४ प्रतिशत) हत्याके घटना, ६ ठो (२.६ प्रतिशत) मानव वेचविखन जैसिन जधन्य अपराधके घटना संकलन हुइल बा । अभिलेखीकरणमे ४ ठो (१.७ प्रतिशत) मन्से २ ठो साईवर अपराधके घटना, १ ठो हेराइल अवस्थामे फेला परल घटना, १ ठो आर्थिक अवस्था कमजोर हुके सुरक्षा आवासमे बैठके सीपमुलक तालिम लेटी रहल ओ १ ठो (०.४ प्रतिशत) आत्महत्याके तथ्याँक संकलन हुइल बा ।
उमेरके आधारमे विश्लेषण करेबेर पुष महिनामे केल सबसे ढेर ७५ जाने (३२ प्रतिशत) २६ से ३५ वर्ष उमेर समूहके महिला ढेर हिंसामे रहल पाइल बा । ओस्टेक हिंसामे पर्ना सबसे ढेर ६९ जाने (२९ प्रतिशत) १७ से २५ वर्ष उमेर समुहके युवा महिला रहल, ३७ जाने (१६ प्रतिशत) १६ बर्षसे कम उमेरके बालिका तथा किशोरी, २८ जाने (१२ प्रतिशत) ३६ से ४५ वर्ष उमेर समुहके महिला, ओस्टे ९ जाने (४ प्रतिशत) ४६ से ५५ उमेर समुहके महिला रहल बटै कलेसे ९ जाने (४ प्रतिशत) ५६ वर्षसे उप्पर उमेर समुहके महिला ओ ८ जाने (३ प्रतिशत) उमेर समुह थाहा नइरहल महिला हिंसाके जोखिममे रहल पाइल बा ।
उ तथ्याङकमे प्रभावित ओ आरोपितके सम्बन्धहे विश्लेषण करेबेर पुष महिनामे सबसे ढेर १०० ठो (४३ प्रतिशत) हिंसा गोसियासे हुइल बा । कलेसे ५५ ठो (२३ प्रतिशत) हिंसाके घटना परिवारके सदस्यसे हुइल बा । ३६ ठो (१५ प्रतिशत) छिमेकीसे हुइल बा, ओस्टेक १६ ठो (७ प्रतिशत) हिंसा प्रेमीसे, १२ ठो (५ प्रतिशत) हिंसाके घटना संघरीयासे ओस्टेक ११ ठो (५ प्रतिशत) हिंसाके घटना अपरिचित व्यक्तिसे ओ ५ ठो (२ प्रतिशत) हिंसा सेवा प्रदायकसे हुइल तथ्याङकमे डेखल बा ।
हिंसामे संलग्न पुरुषके उमेरके विश्लेषण करेबेर सबसे ढेर २६ से ३५ वर्ष उमेर समुहके ५८ जाने (२४ प्रतिशत) युवा रहल बटै । ओस्टेक करके ५१ जाने (२१ प्रतिशत) ३६ से ४५ बर्ष उमेर समुहके पुरुष बटै । ४५ जाने (१९ प्रतिशत) १७ से २५ बर्ष उमेर समुहके युवा रहल, ३९ जाने (१६ प्रतिशत) ४६ से ५५ वर्ष उमेर समुहके पुरुष बटै । २८ जाने (१२ प्रतिशत) उमेर समुह पत्ता नइरहल युवा तथा पुरुष बटै कलेसे १६ जाने (७ प्रतिशत) ५६ वर्षसे उप्परके पुरुष ओ २ जाने (१ प्रतिशत) १६ वर्ष टरेक किशोर हिंसामे संलग्न हुइल ओरेकके तथ्याङकमे पाइल बा ।
अँटवारके रोज कैलालीके गोदावरी नगरपालिका–९ के परशुराम रोक्कामगर साँझ कुटपिट करके गोसिनीय भावनाके हत्या करके फरार हुइल बटै । महिलाहुक्रे महिला हुइल कारणसे टमान हिंसा खेप्न वाध्य बटै । परिवार, समाज ओ राज्यमे स्थापति पितृसत्तात्मक सोँच । उहे अनुरुप विभेदकारी मूल्य मान्यताके कारण हुइना हिंसा महिलासे भोगे पर्ना नियती जस्टे बनल बा । ढेर जैसिन घरपरिवार, आफन्त ओ समाजके मनैनसे हिंसामे परल बटै । जिहीसे महिलाके स्वतन्त्र नागरिकके रुपमे बाँचे पैना अधिकार हनन् हुइटी बा । टबमारे लैङिक हिंसा न्यूनिकरण करेक लाग ध्यान डेहे पर्ना जरुरी बा ।
