‘धनगढी सुपर लिग’ जेठ ५ गतेसे

विजेता २ लाख पुरस्कार पैना

पहुरा समाचारदाता
धनगढी, २२ बैशाख । कैलालीके धनगढीमे जेठ ५ गतेसे क्लब स्तरीय क्रिकेट प्रतियोगिता ‘धनगढी सुपर लिग’ आयोजना हुइना बा ।

लिटल फ्लावर स्पोर्ट्स एन्ड इभेन्ट्स प्रालि धनगढीके आयोजनामे जेठ ५ से १३ गतेसम प्रतियोगिता आयोजना कैना आयोजक विफेक रोज धनगढीमे पत्रकार सम्मेलनके आयोजना करके जानकारी डेहल हो । प्रतियोगिता सुदूरपश्चिम प्रदेश प्रहरी कार्यालयके खेलमैदानमे सञ्चालन हुइना लिटल फ्लावर स्पोर्ट्स एन्ड इभेन्ट्स प्रालिके अध्यक्ष रामचन्द्र शाही जानकारी डेलै ।

धनगढीमे विद्यालय स्तरीय क्रीकेट प्रतियोगिता लिटल फ्लावर प्रिमियर लिगसमेत आयोजना करटी आइल लिटल फ्लावर स्पोर्ट्स एन्ड इभेन्ट्ससे यहाँके खेल क्षेत्रहे चलायमान बनाई परठ कहिके राष्ट्रिय स्तरके खेलाडी समावेश हुइना प्रतियोगिता करे लागल शाहीके कहाई बा ।

प्रतियोगितामे देशके टमान ६ ठो क्लव बुङगल क्रिकेट क्लब बझाङ, देउखुरी वारियर्स दाङ, धनगढी क्रिकेट एकेडेमी धनगढी कैलाली, महेन्द्रनगर क्रिकेट एकेडेमी महेन्द्रनगर कञ्चनपुर, लिटल फ्लावर क्रिकेट क्लब धनगढी कैलाली ओ कैलाली जिल्ला क्रिकेट क्लब धनगढी कैलालीके सहभागिता रहन धनगढी सुपर लिगके संयोजक वीरेन्द्र वड जानकारी डेलै ।

टी–ट्वान्टी फर्मेटमे सञ्चालन हुइना प्रतियोगिताके विजेता नगद २ लाख उपविजेतासे १ लाख नगद तथा ट्रफी, मेडल ओ प्रमाणपत्र प्राप्त करही । सर्वोत्कृष्ट खेलाडीसे नगद १५ हजार, उत्कृष्ट बलर, व्याट्सम्यान तथा उदयमान खेलाडी ७ हजार ५ सय नगद पुरस्कारके साथे ट्रफी, मेडल ओ प्रमाणपत्र प्राप्त करही । प्रत्येक खेलके म्यान अफ द म्याचहे नगद २ हजार पाँच सय, संगे ट्रफी, मेडल ओ प्रमाणपत्र प्रदान करजाई ।

प्रतियोगिताके प्रायोजकहुकनमे सपोर्टेड वाइ लिटल फ्लावर बोर्डिङ हाई स्कुल धनगढी कैलाली, हस्पिटालिटी पार्टनर होटेल डिभोटी धनगढी कैलाली, मोबाइल पार्टनर भीभो मोबाइल, पब्लिकेशन पार्टनर ओसन पब्लिकेशन प्रालि काठमाण्डौं, हायर एजुकेसन पार्टनर द टाइम्स इन्टरनेशनल कलेज डिल्लीबजार काठमाण्डौं, डेब्लभमेन्ट पार्टनर वर्ल्ड भिजन इन्टरनेस्नल (नेपाली जुटौँ बालविवाह रोकौँ) ओ बाल कल्याण संघ कैलाली, डिजिटल लर्निङ पार्टनर निमा एकेडेमी काठमाण्डौं, हस्पिटल पार्टनर नवजीवन अस्पताल धनगढी कैलाली, अब्रोड स्टडी पार्टनर एक्सपर्ट एजुकेसन भिजा सर्भिसेज धनगढी कैलाली, स्टेशनरी पार्टनर दहाल पुस्तकपसल, इन्टरनेट पार्टनर भायानेट धनगढी कैलाली, स्कुलयुनिफर्म पार्टनर चौलानी स्कुलयुनिफर्म धनगढी कैलाली, कम्युनिकेसन पार्टनर नेपाल टेलिकम, वेभरेज पार्टनर ३६५ डेज भोड्का ओ सह प्रायोजक चैतन्य पाठशाला धनगढी कैलाली रहल बा ।