थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १६ चैत २६४७, शुक्कर ]
[ वि.सं १६ चैत्र २०८०, शुक्रबार ]
[ 29 Mar 2024, Friday ]

जिल्ला स्तरीय राष्ट्रपति कपमे कैलारी गाउँपालिका पहिल

पहुरा | २३ असार २०७९, बिहीबार
जिल्ला स्तरीय राष्ट्रपति कपमे कैलारी गाउँपालिका पहिल

पहुरा समाचारदाता
धनगढी,२३ असार ।
१२औ जिल्ला स्तरीय राष्ट्रपति रनिङ कप प्रतियोगितामे कैलारी गाउँपालिका पहिल हुइल बा ।

यिहे असार २१ ओ २२ गते हुइल टमान खेल मन्से एथलेक्टिस विधामे कैलारी गाउँपालिकाके खेलाडीहुक्रे सर्वाधिक १९ स्वर्णपदक, ७ रजतपदक, १ ठो कास्य प्राप्त करटी पहिल हुइल बटै । प्रतियोगितामे कैलाली जिल्लाके १३ पालिकाके खेलाडीनके सहभागितामे कैलारी गाउँपालिका पहिल स्थानमे आइल एथलेक्टिस सिनियरखेलाडी ठगराज डगौंरा बटैलै ।

May be an image of 3 people and people standing

एथेलेक्टिस खेलमे स्वर्ण पदक नन्ना सफल हुइल कैलारीके १२ जाने खेलाडी प्रदेश स्तरीय प्रतियोगिता खेलमे सहभागी हुइ पैही । भलिवल खेलसे भर बन्चित हुइल भलिवल राष्ट्रिय रेफ्री विष्णु प्रसाद चौधरी बटैलै । मने एक जाने भर छनौट हइल बटै । १२औ जिल्ला स्तरीय राष्ट्रपति रनिङ कप प्रतियोगिताके दुसरामे धनगढी उपमहानगरपालिका ओ टिसरामे गोदावरी नगरपालिका आइल बा ।

May be an image of 2 people and people standing

प्रतियोगितामे सहभागि हुई अइटी रहेबेर कैलारी गाउँपालिकाके अध्यक्ष राजसमझ चौधरी, उपाध्यक्ष भगवतीकुमारी चौधरी ओ गाउँपालिकाके प्रवक्ता तथा वडा नम्बर ७ के अध्यक्ष दिपेन्द्र बहादुर बम खेलाडी ओ खेल व्यवस्थापनके लाग गाउँपालिकासे आइल भलिवल राष्ट्रिय रेफ्री विष्णुप्रसाद चौधरी, एथलेक्टिस सिनियर खेलाडी ठगराज डगौंरा ओ व्यवस्थापक रामचरण चौधरीहे समेट टिका खादा ओराहाके विदाई करटी गाउँपालिकाके मान राखडेना आग्रह करल रहिट । उ खेलमे कैलारीके खेलाडीहुक्रे अब्बल डेखल बटै । उहे विच आज गाउँपालिकासे उ खेलाडीनहे स्वागत तथा बधाई कार्यक्रम कैटी रहल बा ।

जनाअवजको टिप्पणीहरू