थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ कुँवार २६४६, बिफे ]
[ वि.सं १३ आश्विन २०७९, बिहीबार ]
[ 29 Sep 2022, Thursday ]

प्रदेशमे १०० संक्रमित ठप्लैं

पहुरा | ३० श्रावण २०७९, सोमबार
प्रदेशमे १०० संक्रमित ठप्लैं

पहुरा समाचारदाता
धनगढी,३० सावन ।
सुदूरपश्चिम प्रदेशमे सोम्मारके रोज १०० जाने कोरोना संक्रमित ठपल बटै ।

सामाजिक विकास मन्त्रालय स्वास्थ्य निर्देशनालयसे डेहल जानकारी अनुसार ९ सय २३ जाने आरटी पीसिआर ओ एन्टीजेन विधिसे कोरोना जाँच करेबेर १०० जनहनमे संक्रमण डेखल हो । ओस्टेक २९ जाने संक्रमणमुक्त हुइल बटै ।

सुदूरपश्चिम प्रदेशमे कोरोनाके ४२७ जाने सक्रिय संक्रमित रहल निर्देशनालय जनैले बा । सोम्मारके रोज ९०४ जाने टमान नाकासे नेपाल प्रवेश परलमे ३७ जनहनमे संक्रमण डेखल बा ।

ओस्टेक करके पछिल्का २४ घण्टामे देशभर ८ जनहनमे कोरोना संक्रमण पुष्टि हुइल बा । स्वास्थ्य तथा जनसंख्या मन्त्रालयके अनुसार पाँच हजार ७३७ परीक्षणमे ८ जनहनमे संक्रमण पुष्टि हुइल हो ।

तीन हजार १५५ पीसीआर परीक्षणमे ४२७ जाने ओ दुई हजार ५८२ एन्टिजेन परीक्षणमे ४६१ जाने करके ८ जनहनमे संक्रमण पुष्टि हुइल हो । पछिल्का २४ घण्टामे ४७४ जाने कोरोना संक्रमणमुक्त हुइल बटै । ओस्टेक करके संक्रमणसे एक जानेक मृत्यु हुइल बा । हाल देशभर कोरोना भाइरसके सक्रिय संक्रमितके संख्या पाँच हजार ३८७ जाने रहल बटै ।

मन्त्रालयके अनुसार ५ हजार १८८ जाने होम आइसोलेसनमे रहल बटै कलेसे १९९ जाने संस्थागत आइसोलेसन ओ ६४ जाने आईसीयूमे बटै ।

ओस्टेक ३ जानेक भेन्टिलेरमे धारके उपचार हुइटी रहल मन्त्रालय जनैले बा । सोम्मार थपलसंगे नेपालमे कोरोना संक्रमितके कुल संख्या ११ लाख ४० हजार ८३२ पुगल बा ।

जनाअवजको टिप्पणीहरू