थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २४ माघ २६४६, मंगर ]
[ वि.सं २४ माघ २०७९, मंगलवार ]
[ 07 Feb 2023, Tuesday ]
‘ “अन्वेषी” लोकार्पण कैगिल ’

६५ प्रतिशत महिलाउप्पर घरेलु हिंसा

पहुरा | १० मंसिर २०७९, शनिबार
६५ प्रतिशत महिलाउप्पर घरेलु हिंसा

पहुरा समाचारदाता
धनगढी, १० अगहन ।
महिला पुनस्र्थापना केन्द्र (ओरेक) से महिला हिंसा विरुद्धके वर्ष पुस्तक “अन्वेषी” लोकार्पण २५ नोभेम्बर २०२२ महिला हिंसा विरुद्धके दिवसमे अवसरमे कैगिल बा ।

महिला बाल बालिका तथा जेष्ठ नागरिक मन्त्रालयके माननीय मन्त्री उमा रेग्मी, माननीय सचिव डिल्लीराम शर्मा ओ ओरेकके संस्थापक अध्यक्ष डा. रेणु अधिकारी महिला हिंसा विरुद्धके वर्ष पुस्तक “अन्वेषी” २०७९ के लोकार्पण संयुक्त रुपमे करल रहिट । ओरेकसे सन् २००८ से देशभरसे महिला उप्पर हुइना हिंसाके घटनाके अभिलेखीकरण करके महिला हिंसा विरुद्धके वर्ष पुस्तक“अन्वेषी”महिला हिंसा विरुद्धके दिवस २५ नोभेम्बरके दिन हरेक वर्ष प्रकाशन करटी आइल बा ।

अन्वेषी २०७९ मे साउन २०७८ से असार २०७९’ सम ओरेकमे अभिलेखीकरण (संकलन) करल महिलाउप्पर हुइल कूल १८१३ ठो हिंसाके घटनाहुकनके विस्तृत विश्लेषण करल बा । अभिलेखीकरण करल मन्से सबसे ढेर ६५ प्रतिशत (११७५ जाने) महिलाउप्पर घरेलु हिंसा हुइल पाइल बा । ओस्टेक करके १३ प्रतिशत (२४० जाने) महिला सामाजिक हिंसासे, ६ प्रतिशत (१०९ जाने) महिला, किशोरी तथा बालिकाउप्पर बलात्कार, १ प्रतिशत (१४ जाने) उप्पर सामुहिक बलात्कार, ०.८ प्रतिशत (३४) उप्पर बलात्कारके प्रयास, १ प्रतिशत (२२ जाने) उप्पर वैवाहिक बलात्कार हुइल पाइल बा ।

ओस्टेक करके ६ प्रतिशत (११५ जाने) यौनजन्य दुव्र्यवहार, १.१ प्रतिशत (२० जाने) महिलाके हत्या, ०.६६ प्रतिशत (१२ जाने) महिलाके हत्या प्रयास करल घटना अभिलेख हुइल बटै । यैसिक १.३८ प्रतिशत (२५ जाने) बेचबिखनमे परल बटै । कलेसे ९ जाने हिंसाके कारणसे आत्महत्या करल तथ्यांक संकलन हुइल बा ।

महिलाउप्पर हुइना करल हिंसाके टमान स्वरूपहे हेरेबेर यी वर्षफे अघिल्का वर्षहस महिला सबसे ढेर घरेलु हिंसाहे प्रभावित हुइल बटै । घरेलु हिंसामे महिलाउप्पर सबसे ढेर अपने गोसियासे ७७ प्रतिशत (९०८ जाने) ओ २३ प्रतिशत (२६७ जाने) परिवारके सदस्यसे हिंसा हुइल पाइल बा । यिहीसे महिलाके लाग सबसे ढेर असुरक्षित घर ओ घर भिटरके व्यक्तिसे महिला असुरक्षित रहल तथ्यांकसे डेखाइल बा ।

कार्यक्रममे माननीय मन्त्री उमा रेग्मी, माननीय सचिव डिल्लीराम शर्मा, ओरेकके संस्थापक अध्यक्ष डा. रेणु अधिकारी लगायत मन्तव्य व्यक्त करले रहिट ।

जनाअवजको टिप्पणीहरू