गृहमन्त्री सुधन गुरुङसे डेलै राजीनामा

काठमाडौँ, ९ बैशाख । गृहमन्त्री सुधन गुरुङ बुधके रोज पदसे राजीनामा डेले बटै विवादित व्यापारी दीपक भट्टसँग सेयर लगानी लगायतके विषयमे नागरिक स्तरसे उठल प्रश्न ओ टिप्पणीहे सम्बोधन करटी उहाँ नैतिकताके आधारमे राजीनामा डेहल घोषणा करल हुइट ।

सामाजिक सञ्जाल फेसबुकमार्फत मन्त्री गुरुङ आजुक मितिसे लागू हुइना करके पद त्याग करल जानकारी डेहल हुइट । चैत १३ गतेसे गृह प्रशासनके नेतृत्व सम्हरटी आइल उहाँ सार्वजनिक जीवन स्वच्छ ओ पारदर्शी हुईपर्नामे जोड डेहल बटै ।

मन्त्री गुरुङ पदसे नैतिकता ओ शक्तिसे जनविश्वास भारी हुइल उल्लेख करले बटै । ’आज देशमे सुशासन ओ जवाफदेहिताके माग करटी उठटी रहल जेनजी आन्दोलनसे सार्वजनिक जीवन स्वच्छ हुई परठ कना सन्देश डेहल बा,’ उहाँ कहले बटै, ’मोर ४६ जाने भैया–बहिनीयाके रगत ओ बलिदानीके आडमे बनल यी सरकारउप्पर कोइ प्रश्न उठाई कलेसे ओकर जवाफ नैतिकता हुई परी ।’

उहाँ अपनसंग सम्बन्धित विषयमे निष्पक्ष छानबिन होए ओ पदमे रहेबेर ’स्वार्थके द्वन्द्व’ नडेखे कना उद्देश्यसे राजीनामा डेहल स्पष्ट परले बटै ।

राजीनामा घोषणाके क्रममे गुरुङ सञ्चारकर्मीहुकनफे नैतिकताके प्रश्न उठैले बटै । उहाँ कहलै, ’टमान मिडियाकर्मी संघरीयाके कहाँ–कहाँ ’स्वीट शेयर’ बा, उ फे बिस्तारे आई । रामराज्यके चाहना धरुइयासे त्याग ओ नैतिक साहसफे डेखाई सेके परठ ।’
उहाँ आम नेपाली ओ युवाहुकनहे सम्बोधन करटी जाटिक परिवर्तन चाहन हो कलेसे सत्य, इमानदारी ओ आत्मशुद्धिके डगरमे सक्कु जाने ठरहयाईपर्ना अपिल करले बटै ।

राजीनामा बुझाके प्रधानमन्त्री कार्यालयसे बाहिरलै सुधन गुरुङ

गृहमन्त्री सुधन गुरुङ प्रधानमन्त्री बालेन शाहहे राजीनामा बुझैले बटै । सिंहदरबारस्थित प्रधानमन्त्री तथा मन्त्रिपरिषद्के कार्यालयमे पुगके उहाँ राजीनामा बुझाइल हुइट ।

‘गृहमन्त्रीज्यू प्रधानमन्त्रीज्यूसमक्ष राजीनामा डेके गैलै । तत्कालहे गृहमन्त्रालय प्रधानमन्त्रीज्यू मातहत रही’, प्रधानमन्त्रीके प्रेस सल्लाहकार दीपा दाहाल कहली ।

विवादास्पद व्यापारी दीपक भट्टसँग लगानी साझेदारी डेखलपाछे नैतिकताके आधारमे गुरुङसे राजीनामा डहल हुइट ।