निसर्गसे फिजियोथेरापी सञ्चालन
पहुरा समाचारदाता
धनगढी, २३ अगहन । धनगढी उपमहानगरपालिका–५, हसनपुरस्थित निसर्ग हस्पिटल एण्ड रिसर्च सेन्टर प्रालिसे फिजियोथेरापी सञ्चालनमे लन्ले बा ।
अस्पतालसे निसर्ग फिजियोथेरापी (फिजियो डिपार्टमेन्ट) सञ्चालनमे लानल हो । शुकके अस्पतालके अध्यक्ष तीर्थराज पन्तलफिजियोथेरापी डिपार्टमेन्टके उद्घाटन करल हुइट । अध्यक्ष पन्त अस्तापलसे सक्कु सेवा सुविधा मजा डेटी आइल बटैलै । उहाँ अस्तालसे टमान सेवा सुविधा थप्टी आइल ओ फिजियोथेरापी सेवा फेन थपल बटैलै । उहाँ फिजियोथेरापी सेवा फेन मजा डेना बटैलै ।
उहाँ कहलै,–‘अस्पतालसे सुरुवातसे नै हम्रे विरामीहे मजा सेवा सुविधा डेटी आइल बाटी । महिन लागठ् फिजियोथेरापी डिपार्टमेन्टमे फेन मजा सुविधा सहित थेरापीके सक्कु इक्यूपमेन्ट रहल ओरसे हम्रे मजा सेवा सुविधा डेबी ।’
अध्यक्ष पन्त प्राइभेट हस्पितल ओर सुदूरपश्चिममे थेरापीके सक्कु इक्यूपमेन्ट सहित निसर्गसे सेवा विस्तार करल बटैलै । अस्पतालसे थेरापी सेवा सञ्चालनमे लानलसँगे यहाँके विरामी आब अन्यत्र जाइ नैपर्ना फेन उहाँ विश्वास व्यक्त करलै ।
फेजियोथेरापिस्ट डा. नविन ढुंगाना धनगढीमे पहिल पटक फिजियोथेरापी सेवा ओर सक्कु सम्पूर्ण सेवा सुविधा डेहल बटैलै । डा. ढुंगाना आर्थोपेडिक समस्या हाडजोर्नी डुख्ना, नसा च्यापल, न्यूरोलोजिकल समस्या, प्यारालाइसिस लगायतके समस्या रहल विरामीहे सेवा डेना बटैलै ।
फिजियोथेरापी कहलक भौतिक चिकित्सा शास्त्र हो । जम्ने औषधीके प्रयोग नैकैके व्यायम ओ कुछ विद्युतीय प्रविधिके प्रयोगसे उपचार करजाइठ् । निसर्ग फिजियोथेरापीसे हाडजोर्नी तथा नशा रोग उपचार (गर्दन, ढाड, घुँडा,कुर्कुचो, कुइना आदि), न्युरोलोजिकल समस्या (पक्षघाट, आरटीए वा प्यारालाइसिस, मुह बांग हुइना), बालरोग उपचार (अर्टिजम, डाउनसिन्ड्रम, सिपी, किड, मांसेपेशीके कमजोरी), स्पोट्स इन्जुरी (सर्जरी होसेकलपाछे आवश्यक पर्ना फिजियोथेरापी सेवा, लिगामेन्ट इन्जुरीके रिहाब्लीटेसन), प्रिडनेसी ओविसीटी लगायत सेवा डेना जनाइल बा ।
साथे निसर्गसे आइसीयू, एनआइसीयू, भेन्टीलेटरमे रहल विरामी ओ पोष्टअप सर्जरी हुइल विरामीके लाग फेन फिजियोथेरापी सेवा डेना जनैले बा ।
