थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २४ माघ २६४६, मंगर ]
[ वि.सं २४ माघ २०७९, मंगलवार ]
[ 07 Feb 2023, Tuesday ]
‘ चौठा अध्यक्ष रनिङ कप २०७९ ’

कैलारीमे पहिल चो क्रिकेट प्रतियोगिता

पहुरा | २० पुष २०७९, बुधबार
कैलारीमे पहिल चो क्रिकेट प्रतियोगिता

पहुरा समाचारदाता
हसुलिया,२० पुस ।
कैलालीके कैलारी गाउँपालिकामे पालिका स्तरीय अध्यक्ष रनिङ २०७९ अन्र्तगत पहिल बार क्रिकेट प्रतियोगिता सुरु हुइल बा ।

कैलारी गाउँपालिकाके आर्थिक सहयोग तथा कैलारी युथस युनाईटेड क्लवके आयोजनामे यिहे पुस १५ गतेसे सुरु हुइल गाउँपालिका स्तरीय अध्यक्ष कपमे यी पालिकामे पहिल क्रिकेट प्रतियोगिता हुई लागल हो ।

क्रिकेट प्रतियोगिताके उदघाटन कार्यक्रम कैलारी गाउँपालिकाके प्रवक्ता तथा वडा नम्बर ७ के अध्यक्ष दिपेन्द्रबहादुर बमके वडका पहुनामे हुइल रहे । ओस्टेक विशिष्ट पहुना कैलारी युथस युनाईटेड क्लवके वरिष्ठ सल्लाहकार श्रीराम चौधरी रहिट । उ प्रतियोगितामे वडा नम्बर १ से ९ समके टिमके सहभागिता रहल बा । क्रिकेट प्रतियोगिताके खेल कैलारी गाउँपालिका–७ बसन्ताके खेलमैदानमे हुइटी रहल बा । बुधके रोज वडा नम्बर ३ ओ १ विच हुइल त्रिकेट खेलमे १ नम्बर वडा विजयी हुइल बा । महेश चौधरीके अध्यक्षतामे हुइल कार्यक्रममे भलिवलके राष्ट्रिय÷अन्तर्राष्ट्रिय खेलाडी तथा रेफी विष्णु प्रसाद चौधरी, रामपुर प्रहरीके प्रमुख विरबहादुर खाती लगायतके सहभागिता रहे ।

पालिका स्तरीय अध्यक्ष रनिङ २०७९ अन्र्तगतके प्रतियोगितामे पुरुष फुटवल, महिला फुटवल, पुरुष भलिवल, पुरुष व्याडमिन्टन ओ पुरुष क्रिकेट करके करिव ५५ ठो टिम सहभागि रहल कैलारी युथस युनाईटेड क्लवके वरिष्ठ सल्लाहकार श्रीराम चौधरी जनैलै । जेम्ने व्याडमिन्टनके खेल फाइनल हुइल और सम्पन्न हुइल बा कलेसे बुधके रोज भलिवल खेलके उपाधि वडा नम्बर ७ हासिल करल उहाँ बटैलै । वडा नम्बर ७ फाइनलके लाग वडा नम्बर १ से भिरल रहे ।

पालिका स्तरीय अध्यक्ष रनिङ २०७९ प्रतियोगिता गाउँपालिकाके अध्यक्ष राजसमझ चौधरीके वडका पहुना गाउँपालिका उपाध्यक्ष भगवतीकुमारी चौधरी विशिष्ट पहुनामे उदघाटन हुइल रहे ।

जनाअवजको टिप्पणीहरू