सुपक थारु सलिमा पहुरासे सम्मान कार्यक्रम

पहुरा समाचारदाता
धनगढी,१४ माघ । सुपक थारु सलिमा पहुराके टमान व्यक्तित्वहुकनहे कैगिल बा ।

सुदूरपश्चिम कला प्रतिष्ठानसे संचालित सुपक थारु सलिमा पहुराके २५००० सब्स्क्राईबर पुगल उत्सवके अवसरमे शनिच्चरके रोज धनगढीमे आयोजित कार्यक्रममे सम्मान कैगिल हो । सम्मानित हुइलमे गुणाकर पनेरु, अभिनेता मुन थारु, गायक राजु चौधरी राज, आवेश चन्द, मिडियाकर्मी अनिल कुश्मी, छयाङकनकार सम्पादक सतिस सिन्हा, छयाङकनकार सम्पादक दयाशकर चौधरी, अभिनेता तथा राष्ट्रिय थारु कलाकार मञ्च सुदुरपश्चिम प्रदेश के अध्यक्ष संगत थारु रहल बटै ।

सुदुरपश्चिम कला प्रतिस्थानके अध्यक्ष अम्बिका आचार्यके अध्यक्षमे हुइल कार्यक्रमके वडका पहुना धनगढी उपमहानगरपालिकाकके उप प्रमुख कन्दकला राना रहिट । सम्मानित व्यक्तिहुकनके सुपक थारु सलिमा पहुराके कार्यक्रम संयोजक गोविन्द मुखिया, वडका पहुना धनगढी उपमहानगरपालिकाकके उप प्रमुख राना, कलाकार राजकुमार जोशी लगायतसे सम्मानपत्र हस्तातन्तरण करल रहिट । कार्यक्रममे थारु कलाकार तथा गायक अन्जु कुश्मी ओ सामु चौधरीकेफे
प्रस्तुती रहे ।