साहित्य लेखन तथा प्रशिक्षण कार्यक्रम निम्जल

पहुरा समाचारदाता
धनगढी, ३ सावन । थारु लेखक संघ नेपाल कैलालीके आयोजनामे हुईल २ डिनिक साहित्य लेखन तथा प्रशिक्षण कार्यक्रम निम्जल बा। श्री सर्वोदय माध्यमिक विद्यालय धनगढी-१४ कैलालीके सभाहलमे हुइल कार्यक्रममे स्थानिय विद्यालयके लगभग ४५ प्रशिक्षार्थी सहभागी हुइल रहिट कलेसे साहित्यकार तथा शिक्षक कृष्णसिंह पेला ओ रघुनाथ ओझा प्रशिक्षक रहिट ।

साहित्य साधनामे अब्बके युवा रुची नई डेखाईल ओ डेखैले से फेन कैसिक लिख्ना कहिके ज्ञान नई रहलक ओर्से साहित्य लेखनमे घैखर बनाईक लग कार्यक्रमके आयोजना करल कहिके संघके सचिब अनिल कुश्मी बटैठै।

ई कार्यक्रम पाछे साहित्य लिख्ना ज्ञान सीप संगे प्रेरणा मिलल कहिके सहभागी रेजिना चौधरी बटैली। थारु लेखक संघ नेपाल कैलालीके अध्यक्ष जीतबहादुर चौधरी, साहित्य लेखन तथा प्रशिक्षण कार्यक्रम मजै मजै निम्झल जानकारी करैटी सहयोग करुईया सक्कु जन्हन धन्यवाद डेले बटै।