थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०२ सावन २६४८, बुध ]
[ वि.सं २ श्रावण २०८१, बुधबार ]
[ 17 Jul 2024, Wednesday ]

फुटसलके उपाधी पत्रकार महासंघ कैलालीहे

पहुरा | २८ आश्विन २०८०, आईतवार
फुटसलके उपाधी पत्रकार महासंघ कैलालीहे

पहुरा समाचारदाता
धनगढी, २८ कुवाँर
। धनगढीमे जारी हुइलक गौरीशंकर डेण्टल फुटसलके उपाधी नेपाल पत्रकार महासंघ कैलाली शाखा हात परले बा । उपाधीसंग महासंघ नगद २५ हजार ओ ट्रफी प्राप्त करले बा ।

फुटसल प्रतियोगिताके फाइनलमे आयोजक खेलकुद पत्रकार मंच कैलालीहे ७–३ गोल अन्तरसे पराजित कैटी महासंघ पहिल हुइलक हो । उपपिजेता खेलकुद पत्रकार मंच १५ हजार नगद ओ ट्रफी हात परले बा ।

प्रतियोगितामे उत्कृष्ट खेलाडीके उपाधी महासंघके दीपक उपाध्यायहे प्रदान करल बा । ओस्टेक करके सर्वाधिक गोलकर्ताके उपाधी समेत महासंघके सदस्य शंकर बोहरा प्राप्त करे बटै । कलेसे उत्कृष्ट गोलकिपरके उपाधी आयोजक खेलकुद पत्रकार मंचके सिताराम ओझा ओ फेयर प्लेक उपाधी घोडाघोडी पत्रकार क्लवहे प्रदान करल बा । यी आघे आयोजक, महासंघसहित चडेपानी ब्वाइज, फुलबारी क्लब ओ घोडाघोडी कैके ५ टिम सहभागी प्रतियोगिताके कुवाँर २७ गते सुदूरपश्चिम प्रदेशके सामाजिक विकास मन्त्री झपट बहादुर साउद उदघाटन करले रहिट ।

विजयी खेलाडीहुक्रनहे समापन समारोहके वडका पहुना ओ पहुनाहुँक्रन्से पुरस्कार वितरण करल रहे । प्रतियोगिताहे धनगढी उपमहानगरपालिका, गौरीशंकर डेण्टल, मायामेट्रो अस्पताल, लक्ष्मी सनराइज बैंक, एभरेस्ट बैंक, ज्योती आयल स्टोर लगायतसे प्रायोजन करल रहे ।

जनाअवजको टिप्पणीहरू