कैलारी–८ मे निर्माण हुइल जैविक तटबन्धके अनुगमन

पहुरा समाचारदाता
हसुलिया, ९ माघ । कैलारी गाउँपालिकाके वडा नम्बर ८ स्थित कटैनी लडियामे निर्माण हुइल जैविक तटबन्धके अनुगमन कैगिल बा ।

पालिकास्तरीय अनुगमन समितिके संयोजक भगवतीकुमारी चौधरीके नेतृृत्वमे मंगरके रोज स्थलगत अनुगमन कैगिल हो । कटैनी लडिया कटानके जोखिम बह्रटी गैलपाछे जैविक तटबन्धके निर्माण कैगिल असिस्टेन्ट सब इन्जिनियर निर्मल चौधरी जानकारी डेलै । जैविक तटबन्ध एक सय ५० मिटर कैगिल बा ।

झोलुङगे पुल कुटटी तोल जैविक तटबन्ध निर्माण योजनाके अनुगमनमे समितिके संयोजक भगवतीकुमारी चौधरी, समितिके सदस्य सुनिला चौधरी, योजना शाखा प्रमुख सन्तोषकुमार चौधरी, अनिल चौधरी, प्राविधिक असिस्टेन्ट सबइन्जिनियर निर्मल चौधरीलगायतके उपस्थिति रहे ।