सुदूरपश्चिम आईकनके मनोनयन सार्वजनिक

पहुरा समाचारदाता
धनगढी, ८ असार । ‘एसपिए सुदूरपश्चिम स्पोर्टस अवार्ड २०८०’ को दुई विधाको मनोनयन सार्वजनिक गरिएको छ । आगामी असार १२ गते धनगढीको एसटिएस सिनेमा हलमा आयोजना हुने अवार्डका ८ विधा मध्ये सुदुरपश्चिम आईकन पुरुष र महिला विधा सार्वजनिक गरिएको हो ।

सुदुरपश्चिम प्रदेश खेलकुद परिषदके मुख्य प्रबद्र्धनमे आयोजना हुइना ‘एसपिए सुदूरपश्चिम स्पोर्टस अवार्ड २०८०’ के सुदुरपश्चिम आईकन पुरुष ओरके विधामे एथलेटिक्सके आशिष महर, शारिरीक सुगठनके रञ्जित लामा ओ क्रिकेटके नरेन भट्ट मनोनयमे परल बाटै । महिला ओर क्रिकेटके मनिषा बोहोरा एथलेटिक्सके देवकीकुमारी धामी ओ फुटबलके बिर्सना चौधरी मनोनयनमे परल बाटी ।

सुदुरपश्चिम आईकन ओर मनोनयनमे परल आशिष महर १४ औं राष्ट्रपति रनिङ सिल्ड अन्तर्गत एथलेटिक्समे जुनियर ओर सानदार प्रदर्शनके साथ छात्र ट्रिपल जम्पमे १४.१९ मिटर जम्प कैटी ३६ बरस आघे २०४४ सालके कीर्तिमान भंग करल रहिट ।

उहाँ अन्तर प्रदेश राष्ट्रिय खेलकुद प्रतियोगितामे सुदुरपश्चिमे लाग ट्रिपल जम्पमे स्वर्ण पदक जिटल रहिट । ओस्टके शारिरीक सुगठनके रञ्जित लामा ‘५५ औँ एसियन शारीरिक सुगठन तथा फिजिक्स स्पोर्टस च्याम्पियनसिप’ मे नेपालहे कास्य पदक जिटाइल रहिट । एसियाली स्तरमे शारिरीक सुगठनमे पदक जिटुइया उहाँ पहिल सुदुरपश्चिमके खेलाडी हुइट । क्रिकेटके नरेन भट्ट एसीसी यू–१६ ईस्ट जोन कपके उपाधि जिटाइबर सानदार प्रदर्शन करल रहिट । उपाधिउपर ह्याट्रिक करैना फाईनलमे ११२ रनके शतकीय पारी खेलल् उहाँ फाईनल खेलमे म्यान अफ द म्याच बनल रहिट । प्रधानमन्त्री कपमे शतक ओ अर्धशतक प्रहार कैटी सानदार प्रदर्शन करल रहिट ।

सुदुरपश्चिम महिला आईकन ओर मनोनयनमे परल क्रिकेटके मनिषा बोहोरा सुदुरपश्चिम प्रदेशहे सुशील कोइराला मेमोरियल यु–१९ महिला राष्ट्रिय टि–२० प्रतियोगिताके उपाधि जिटाइक लाग उत्कृष्ट प्रदर्शन करल रही । उहाँ सुशील कोइराला मेमोरियल यु–१९ महिला राष्ट्रिय टि–२० प्रतियोगिताके फाईनलमे ४१ रनके पारी खेल्टी फाईनलके प्लेयर अफ द म्याच समेत हुइल रही । फुटबलके विर्सना चौधरी अन्तर प्रदेश राष्ट्रिय खेलकुद प्रतियोगितामे सुदुरपश्चिम उपविजेता बनेबर उत्कृष्ट प्रदर्शन करल रही ।

उहाँ अन्तर प्रदेश राष्ट्रिय खेलकुद प्रतियोगितामे उत्कृष्ट मिडफिल्डर बनल रही । एथलेटिक्सके देवकीकुमारी धामी १४ औँ राष्ट्रपति रनिङ शिल्डमे छात्रा ३ हजार मिटर दौडमे जुनियर राष्ट्रिय कीर्तिमान बनाइल रही । ३ हजार मिटरके निर्धारित दूरी १० मिनेट ५२.८२ सेकेन्डमे दौड पूरा कैटी उहाँ २०७५ सालमे राममाया बूढा स्थापित करल १० मिनेट ५७.२ सेकेण्डके कीर्तिमान टोरल रही । अन्तर प्रदेश राष्ट्रिय खेलकुद प्रतियोगितामे फेन सुदुरपश्चिमके लाग १५०० मिटर दौडमे उहाँ स्वर्ण पदक जिटल रही । अवार्डमे डेना आठ विधामध्ये ६ विधाके मनोनयन सार्वजनिक कैटी आइलमे आब थप चार विधाके मनोनयन सार्वजनिक करजैना बा । दुई विधा लाईफटाईम एचिभमेन्ट ओ स्पेशल अवार्ड कार्यक्रमके दिन घोषणा करजैना बा ।