थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०३ फागुन २६४८, शनिच्चर ]
[ वि.सं ३ फाल्गुन २०८१, शनिबार ]
[ 15 Feb 2025, Saturday ]

कैलारीके बाढ प्रभावित क्षेत्रके अनुगमन

पहुरा | ६ भाद्र २०८१, बिहीबार
कैलारीके बाढ प्रभावित क्षेत्रके अनुगमन

पहुरा समाचारदाता
हसुलिया, ६ भदौ ।
कैलाली जिल्लाके कैलारी गाउँपालिका अन्र्तगत टमान वडामे हुइल बाढ डुबान क्षेत्रके अनुगमन कैगिल बा ।

प्रमुख जिल्ला अधिकारी धर्मेन्द्र मिश्र, कैलारी गाउँपालिका अध्यक्ष राजसमझ चौधरी, सीमा ससस्त्र प्रहरी प्रमुख दल बहादुर पान्डेय, खोनपुर शसस्त्र प्रहरी प्रमुख गान्धीप राज स्याङतान, ईलाका प्रहरी हसुलियाके इन्चार्ज लोकेन्द्र चन्द, वडा अध्यक्षहुक्रे, कैलारी गाउँपालिको प्रमुख प्रशासकीय अधिकृत खगेन्द्रराज जोशी, सामाजिक विकास शाखा प्रमुख यगम कलेललगायत टमान संघ संस्थासे वडा नम्बर ३, ५ ओ ७ के बाढ प्रभावित क्षेत्रके अनुगमन करटी नियन्त्रणके लाग गृहमन्त्रालयमे विशेष पहल कैना प्रतिवद्धता कैगिल बा ।

कौन वडामे कटरा प्रभावित ?

कैलारी गाउँपालिका २ दिनसे डुबानमे परल बा । ९ ठो वडा रहल कैलारीके वडा नं. २, ६ ९ बाहेक सक्कु वडाके अधिकांश क्षेत्र डुबानमे परल बा । हालसम ४८९ घर डुबानमे परल गाउँपालिका जनैले बा । गाउँपालिका अध्यक्ष राजसमझ चौधरीके अनुसार वडा नं १ के डम्मारा गाउँके १८ घर, हरिनगर चौधरी टोलके ३० घर, हरिनगर शिवटोलके ५ घर, हरिनगर डाँडा टोलके ८ घर, मनाउके १२ घर, विसनपुर ओ मझराके १५÷१५ घर डुबानमे परल हो ।

ओस्टेक वडा नं. ५ के पुरान मनिकापुरक २९ घर, नयाँ मनिकापुरके १७ घर, बंगालीपुरके ३७ घर, पवेरा मण्डीके २२ घर, बन्दरगौरीके ५४ घर, सपना शिविरके ८ घर, नयाँ बैसपुरके ५ घर ओ गोबरैला दहितपुरके २ घर डुबान परल अध्यक्ष चौधरी बटैलै ।

वडा नं. ७ के भुइयाँफाँटाके २६ घर, बसन्ताके २१ घर, छटकपर बसन्ताके १५ घर, नारायणपुरके ८ घर डुबानमे परल बा । वडा न ८ पुथ्वीपरके ३१ घर, दुधियाके २४ घर, भँगहाके १४, पूर्व टेडीके २ घर डुबानमे परल बा । वडा नं. ३ सुर्मीनालाके ३४ घर, खोनपुरके २ घर ओ वरका मुडाके १० घर डुबानमे परल बा । वडा नं. ४ के गाउँके २५ घर डुबानमे परल अध्यक्ष चौधरी बटैलै ।

कैलाली गाउँपालिकाके पचासौँ घरधुरी विस्थापित हुई सेक्ना बताइल बा । ढेर जाने घर छोरे नैमानलपाछे हालसम २९ जनहनहे केल वडा नं. ५ के वडा कार्यालय सारल बताइल बा ।

पालिका अध्यक्ष चौधरी कहलैे, ‘बुधके रोज हम्रे सूचना जारी करले बटी । सुरक्षित स्थानमे सर्ना कहल बटी । खैना बैठनाके व्यवस्थापन पालिकासे कैना कहल बटी । मने प्रभावित घर छोरे मानल नैहुइट । उहाँहुकनके घरमे बाढसे कुछ बाँकी नैरख्ले हो । घर छोरे मानल नैहुइट ।’

बुधके रोज एक जनहनहे बाढसे पुहैटी करल अवस्थामे उद्धार करल रहे । वडा नं. ५ बैसपुरके ४२ वर्षीय लोकमाया चौधरीहे बाढसे पुहैटी रहल अवस्थामे उद्धार करल रहे । उहाँक उद्धारपाछे धनगढीस्थित निसर्ग अस्पतालमे उपचार हुइटी रहल बा । क्षतिके विवरण भर अइना बाँकी रहल पालिका जनैले बा ।

जनाअवजको टिप्पणीहरू