युनिक नेपाल लघुवित्तके विशेष साधारण सभा सम्पन्न

युनिक नेपाल, जीवन विकास ओ मानुषी लघुवित्तबीच मर्जर सम्बन्धी विशेष प्रस्ताव पारित

पहुरा समाचारदाता
बाँके, १६ भदौ । युनिक नेपाल लघुवित्त वित्तीय संस्था लिमिटेडके चौठा विशेष साधारण सभा सम्पन्न हुइल बा ।

भदौं १४ गते वित्तीय संस्थाके केन्द्रीय कार्यालय कोहलपुर, बाँकेमे सम्पन्न हुइल सभासे युनिक नेपाल लघुवित्त वित्तीय संस्था, जीवन विकास लघुवित्त वित्तीय संस्था ओ मानुषी लघुवित्त वित्तीय संस्थाबीच मर्जर कैना सम्बन्धी विशेष प्रस्ताव पारित करले बा । यी संगे युनिक नेपाल लघुवित्त वित्तीय संस्था, जीवन विकास लघुवित्त वित्तीय संस्था ओ मानुषी लघुवित्त वित्तीय संस्थाबीच मर्जरके कार्य सुनिश्चित हुइल बा ।

संस्थापक तथा सर्वसाधारण शेयरधनीहुकनके भौतिक उपस्थितिके साथे टमान स्थानसे रियल टाइम अनलाइन जुम प्रविधिसे सहभागिता रहे । साधारण सभासे युनिक नेपाल लघुवित्त वित्तीय संस्था, जीवन विकास लघुवित्त वित्तीय संस्था ओ मानुषी लघुवित्त वित्तीय संस्था बीच एक आपसमे गाभ्न÷गाभिन सम्बन्धमे सञ्चालक समितिके ओरसे अध्यक्षसे प्रस्तुत करल विशेष प्रस्ताव सर्वसम्मतिसे पारित करल हो ।

साथे, मर्जर सम्बन्धी थप कार्य कैना सञ्चालक समितिहे अख्तियारी डेना लगायतके निर्णयफे पारित हुइल बा ।

विशेष साधारण सभामे संस्थापक सेयरधनी तथा सर्वसाधारण सेयरधनीहुकनके भौतिक रुपमे तथा रियल टाइम अनलाईन जूम प्रविधिसे ओ प्रोक्सी मार्फत जम्मा ६३.८२ प्रतिशत शेयर कित्ता धारण करल धनीहुकनके उपस्थिति रहे ।

संचालक समितिके अध्यक्ष शिव बहादुर चौधरीके अध्यक्षतामे उ विशेष साधारण सभा सम्पन्न हुइल रहे । मर्जर पाछे संस्थाके वित्तीय तथा संस्थागत क्षमता थप सुदृढ हुइना अपेक्षा करल बा ।