अवैध लागूऔषध सहित चार जाने पक्राउ
पहुरा समाचारदाता
धनगढी, १६ भदौ । कैलाली ओ कञ्चनपुरके टमान ठाउँसे अबैध लागुऔषध सहित चार जाने पक्राउ परल बटै ।
कैलालीके धनगढी उ.म.न.पा.२ स्थित लागूऔषध रहल बा कना गोप्य सुचनाके आधारमे अवैध लागूऔषध ब्राउन सुगर १ ग्राम ९१० मिलिग्राम सहित उहे ठाउँ बैठना वर्ष ३० के ललित साउदहे पक्राउ करल बा । प्रहरी कार्यालय धनगढी ओ लागूऔषध नियन्त्रण ब्युरो शाखा कार्यालय महेन्द्रनगरसे संयुक्त रुपमे खटल प्रहरी टोलीसे सोम्मारके रात उहाँके घर कोठा खोजतलासी करके लुकाइल छिपाइल राखल अवस्थामे उ पदार्थ फेला पारके पक्राउ करल हो ।
ओस्टेक करके, कञ्चनपुर जिल्लाके पुनर्वास न.पा.१० बिकाश बस्तीसे गोप्य सुचनाके आधारमे अवैध लागूऔषध ब्राउनसुगर ९५० मिलिग्राम सहित उहे ठाउँ बैठना वर्ष ३२ के होसियार रानाहे पक्राउ करल बा ।
सोम्मारके दोप्हर प्रहरी चौकी परासन, कञ्चनपुरसे खटलके प्रहरी टोलीसे चेकजाँच करके उ पदार्थ फेला पारके पक्राउ करल हो ।
ओस्टेक, कञ्चनपुर जिल्लाके लालझाडी गा.पा.१ डाँडाबिछवा स्थित लागूऔषध बिक्रि वितरण करटी बा कना गोप्य सुचानाके आधारमे अवैध लागूऔषध ब्राउनसुगर २८० मिलिग्राम सहित उहे ठाउँ बैठना वर्ष ३० के राजेश रानाहे पक्राउ करल बा ।
सोम्मारके दोप्हर प्रहरी चौकी परासन, कञ्चनपुरसे खटलके प्रहरी टोलीसे उहाँके घरकोठा खोजतलासी करके उ पदार्थ फेला पारके पक्राउ करल हो ।
ओस्टेक, कञ्चनपुर जिल्लाके लालझाडी गा.पा.१ डाँडाबिछवासे लागूऔषध बिक्रि वितरण कैना करटी बा कना गोप्य सुचानाके आधारमे अवैध लागूऔषध ब्राउनसुगर १ ग्राम ८४० मिलिग्राम सहित उहे ठाउँ बैठना १८ वर्षिय किशोरहे पक्राउ करल बा ।
सोम्मारके दोप्हर प्रहरी चौकी परासन, कञ्चनपुरसे खटलके प्रहरी टोलीसे चेकजाँच करके उ पदार्थ फेला पारके पक्राउ करल बा । एकर सम्बन्धमे प्रहरी आवश्यक अनुसन्धान करटी रहल जानकरी करले हो ।
