काठमाडौं उपत्यकामे बाढीपहिरोसे ३४ के मृत्यु, २ हजार घर डुबानमे

काठमाडौँ, १२ कुँवार । बिफेक रातसे अविरल वर्षापाछे बाढीपहिरोमे परके काठमाडौं उपत्यकामे ३४ जनहनके मृत्यु हुइल बा । हालसम ललितपुरमे १८, काठमाडौंमे ११ ओ भक्तपुरमे ५ जनहनके मृत्यु हुइल बा ।

काठमाडौं उपत्यका प्रहरी कार्यालयके प्रहरी वरिष्ठ उपरीक्षक विनोद घिमिरेके अनुसार विपद्के घटनामे परके १७ जाने बेपत्ता हुइल बाटै कलेसे १७ जाने घाइते हुइल बाटै । बाढीपहिरो तथा डुबानमे परके १ हजार ३१५ जनहनके उद्धार करल उहाँ बटैलै । बाढीपहिरोसे काठमाडौंमे ४ घर भत्कल बाटै कलेसे भक्तपुरो एकठो घरमे क्षति पुगल बा ।

काठमाडौंमे एक हजार तीन सय २४, ललितपुरमे ५ सय ओ भक्तपुरमे ४ सय १७ सहित उपत्यकामे डुई हजार २४१ घर डुबानमे परल बावै । विपद्के घटनाके उद्धार ओ राहत कार्यमे काठमाडौंमे ३ हजार ६०, ललितपुरमे १ हजार १ सय ओ भक्तपुरमे ३५० प्रहरी खटल प्रहरी वरिष्ठ उपरीक्षक घिमिरे जानकारी डेलै ।