‘फुलीगैलैँ गेंडा गोडौली’ सार्वजनिक
पहुरा |
१४ कार्तिक २०८१, बुधबार

पहुरा समाचारदाता
धनगढी, १४ कात्तिक । डेवारीके अवसर पारके सुलभ फिल्मस् प्रालि लावा थारु म्युजिक भिडियो लन्ले बा ।
प्रालिसे चर्चित मोडल रितु चौधरी ओ विनर चौधरीके मुख्य अभिनय रहल थारु कल्चरल म्युजिक भिडियो ‘फुलीगैलैँ गेंडा गोडौली’ सार्वजनिक करल हो । निम चौधरी प्रोड्युसर रहल म्युजिम भिडियोमे अन्य कलाकारमे रेमु चौधरी ओ गीता नेपाली रहल बाटै ।
शब्दसंगीत गायक खुशी रत्गैंयाके रहल गीतमे खुशी रत्गैंया ओ आरजु चौधरी स्वर डेले बाटै । म्युजिक भिडियोके स्टोरी तथा डाइरेक्सन आदर्श महतो करले बाटै कलेसे मुख्य क्यामेरा पर्सनमे दया शंकर चौधरीके रहल बा ।
ओस्टके असिस्टेन्ट क्यामेरा पर्सनमे छल्लु दादा ओ सलोन चौधरी रहल बाटै । म्युजिकके प्रोडक्सन म्यानेजरमे सैजन कटेज ओ विनर मिझ्नी घर धनगढीके सहयोग रहल बा ।
