सुदूरपश्चिम रोयल्स ओ माया मेट्रोबीच प्रायोजन सम्झौता
पहुरा समाचारदाता
धनगढी, १२ अगहन । नेपाल प्रिमियर लिग (एनपिएल) टोली सुदुरपश्चिम रोयल्स ओ माया मेट्रो अस्पतालबीच प्रायोजन सम्झौता हुइल बा ।
माया मेट्रो ओ रोयल्सबीच मेडिकल पार्टनरके लाग एक कार्यक्रम माझ सम्झौता हुइल हो । सम्झौता पत्रमे रोयल्सके मालिक स्वतन्त्र प्रताप शाह ओ अस्पतालके अध्यक्ष धिरेन्द्र साउद हस्ताक्षर करलै ।
सुदूरपश्चिम रोयल्ससे यी आघे एसपीएहे एजुकेसन पार्टनर, टेलिकम पार्टनरमे नेपाल टेलिकम, स्ट्रेन्थ पार्टनरमे सूर्य प्लाई ओ कुमारी जबहे करिअर पार्टनरके रुपमे भित्राइल रहे । एनपिएलके अवधिभर टोलीसे म्यारीयट काठमाडौमे बसोबास कैना सहकार्य सम्झौताफे करटी रहल बा ।
क्यानके आयोजनामे ८ टोलीके सहभागितामे अगहन १५ से पुस ६ गते सम एनपिएल हुइना बा । सुदूरपश्चिमके मार्की खेलाडीमे कीर्तिमानी अलराउन्डर दीपेन्द्रसिंह ऐरी रहल बटै । मेन्टरमे अष्ट्रेलियाके ब्राड हज तथा मुख्य प्रशिक्षक राष्ट्रिय टोलीके पूर्व प्रशिक्षक जगत टमाटा रहल बटै ।
