कैलारी–३ वडा स्तरीय छनौट प्रतियोगिता सम्पन्न

पहुरा समाचारदाता
हसुलिया, २० पुस । कैलारी गाउँपालिका वडा नम्बर ३ मे वडा स्तरीय छनौट खेलकुद प्रतियोगिता सम्पन्न हुइल बा । खेलकुुद प्रतियोगितामे फुटवल, भलिवल तथा ब्याडमिन्टन हुइल रहे ।
वडा स्तरी खेलखुद समन्वय समिति अध्यक्ष भीखराम चौधरीके अध्यक्षतामे हुइल प्रतियोगिता समापन कार्यक्रम वडा नम्बर ३ वडा अध्यक्ष सन्तराम चौधरीके वरका पहुनामे हुइल रहे ।

फूटवल प्रतियोगितामे पहिल मोहना युवा क्लब खोनपुर १५००० रुप्या ट्रफि, दुसरा स्थामे अमृत युवा क्लब निमुवा बोझी १०००० ओ ट्रफि प्राप्त करले बा ।
भलिबल प्रतियोगितामे पहिल ह्ुइल अमृत युवा क्लब निमुवाबोझी ए टिम १० हजार ओ ट्रफि, दुसरा स्थान हासिल करल बि टिम अमृत युवा क्लब निमुवाबोझी ५ हजार ओ ट्रफि प्राप्त करले बा ।

ओस्टेक करके ब्याडमिन्टनमे पहिल स्थान नगेन्द्र ओ ज्ञानु चौधरी ३ हजार ओ ट्रफि, दुसरा स्थानमे रविन्द्र ओ लोकेन्द्र २ हजार, ट्रफि करलै ।
प्रतियोगिता समापन कार्यक्रममे पहुना वडा सदस्य किसुनलाल चौधरी, वडा महिला सदस्य शकुन्तला चौधरी, नेपाली कांग्रेस कैलारी गाउँपालिका सभापति कृष्णाप्रसाद चौधरी, बुद्धिजिवि राजु बराललगायत उपस्थिति रहे ।
