तरुण दल कैलाली–३ मे प्रदेश ‘क’ के अध्यक्षमे श्रीराम चौधरी
पहुरा |
२१ पुष २०८१, आईतवार

पहुरा समाचारदाता
धनगढी, २१ पुस । नेपाल तरुण दल कैलाली क्षेत्र नम्बर ३ मे प्रदेश ‘क’ के अध्यक्षमे श्रीराम चौधरी सर्वसहमतसे चयन हुइल बटै ।
उ कार्यसमितिके उपाध्यक्षमे सन्तोष परियार, सचिवमे बसन्त चौधरी ओ गोविन्द चौधरी सदस्य पदमे मनोनित हुइल बटै । अँटवारके रोज नेपाली काँग्रेसके क्षेत्रीय सभापति रिता चौधरीके प्रमुख आतिथ्यमे हुइल कार्यक्रम तरुण दलके क्षेत्रीय सभापति नैन चौधरीके अध्यक्षतामे हुइल रहे ।

कार्यक्रममे विशिष्ट पहुना नेपाली काँग्रेसके नेता रामचरण चौधरी, नेपाल तरुण दलके केन्द्रीय सदस्य अविनाश चौधरी, नेपाली काँग्रेस कैलारी गाउँपालिका सभापति कृष्ण चौधरी, कैलारी गाउँपालिका वडा नम्बर ७ वडाके वडा अध्यक्ष दिपेन्द्र बम, नेपाली काँग्रेसके नेता मनिराम चौधरी, अग्रज नेता तथा कार्यकर्ताहुकनके उपस्थिति रहे ।
