थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ माघ २६४८, मंगर ]
[ वि.सं २९ माघ २०८१, मंगलवार ]
[ 11 Feb 2025, Tuesday ]
‘ धनगढी अर्जुन ट्रफी राष्ट्रिय क्रिकेट प्रतियोगिता सुरु ’

कुशल भुर्तेलके अलराउण्ड प्रदर्शमे डडेल्धुराके विजयी सुरुवात

पहुरा | १९ माघ २०८१, शनिबार
कुशल भुर्तेलके अलराउण्ड प्रदर्शमे डडेल्धुराके विजयी सुरुवात

पहुरा समाचारदाता
धनगढी, १९ माघ ।
क्रिकेटके शहर धनगढीमे शनिच्चरसे अर्जुन ट्रफी राष्ट्रिय क्रिकेट प्रतियोगिता सुरु हुइल बा । गो ड्रिर्मसके आयोजनामे धनगढी स्थित फाप्ला अन्तराष्ट्रिय क्रिकेट मैदानमे अर्जुन ट्रफी राष्ट्रिय क्रिकेट प्रतियोगिता सुरु हुइल हो । नेपाल क्रिकेट संघके बार्षिक क्यालेण्डरमे समावेश हुइल प्रतियोगिताके सुदुरपश्चिम प्रदेश सरकारके सामजिक विकास मन्त्री मेघराज खड्का उद्घाटन करल रहिट ।

नेपाल क्रिकेट संघका केन्द्रिय अध्यक्ष चर्तुरवहादुर बिष्ट खास पहुना रहल उद्घाटन समारोहमे चर्चित गायक चक्र बम सांगितिक प्रस्तुती डेहल रहिट । धनगढी ओ सुदुरपश्चिम प्रदेशके क्रिकेटके सारथी रहल स्वर्गीय अर्जुन खड्काहे समर्पित कैटी आयोजना करल प्रतियोगितामे डडेल्धुराके फेण्ड्स क्लब विजयी सुरुवात करले बा । नेपाली क्रिकेट टोलीके सदस्य कुशल भुर्तेलके अलराउण्ड प्रदर्शमे डिसिए धनगढीमे सानदार जित दर्ता कैटी फेण्ड्स क्लब डडेल्धुरा जितसे प्रतियोगिताके सुरुवात करल हो ।

डिसिए धनगढीहे ८ विकेटसे हरैटी फेण्ड्स क्लब डडेल्धुरा विजयी सुरुवात करल हो । टस हारके पहिले ब्याटिङ करल धनगढी २० ओभरमे ९ विकेट गुमैटी एक सय ३२ रन बनाइल रहे । सुरुवाती विकेट सस्तामे गुमाके दबाबमे आइल धनगढीहे सम्मानजनक योगफलतर्फ पुगाइक लाग अमित श्रेष्ठ सर्वाधिक ३२ रन बनाइल रहिट । निर्धारित ओभर ओरैना डुई बल बाँकी रहेबर आउट हुइल अमित ३२ बलके सामना कैटी एक छक्का प्रहार करल रहिट । सातौ नम्बरमे ब्याटिङ करे आइल निरज ऐर २७ रन ओ कप्तान नारायण जोशी १६ रन बनाइल रहिट । डडेल्धुराके लाग राहुल लुनिया ३, कुशल भुर्तेल ओ रवि विष्ट २÷२ तथा हेमन्त धामी १ विकेट लेहल रहिट ।

धढीस्थित फाप्ला मैदानमे १३३ रनके लक्ष्य पछ्याइल डडेल्धुरा १५.५ ओभरमे २ विकेट गुमैटी लक्ष्य भेटाइल रहे । डडेल्धुराके लाग कुशल भुर्तेल अर्धशतक बनैटी आपन टीमहे जित डेहुवाइल रहिट । ५१ बलके सामना करल उहाँ ८७ रनके अविजित पारी खेलल् रहिट । ओस्टके विनोद भण्डारी ४२ रन बनाइल रहिट । धनगढीके ललित राजवंशी ओ अमित श्रेष्ठ १÷१ विकेट लेहल रहिट । खेलके नवजीव सहकारी संस्था लिमिटेड म्यान अफ द म्याच डडेल्धुराके भुर्तेल हुइल रहिट । उहाँ नगद १० हजार सहित ट्रफी पाइल रहिट ।

प्रतियोगिता अन्तर्गत आज अँट्वारके डुई खेल हुइना बा । पहिल खेलमे सीवाईसी अत्तरिया ओ दशरथ चन्द एकेडेमी बैतडी प्रतिस्पर्धा कैना बावै । डोसर खेलमे डिसिए धनगढी ओ घोडाघोडी–११ सुख्खड प्रतिस्पर्धा कैना बावै ।

जनाअवजको टिप्पणीहरू