थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ माघ २६४८, मंगर ]
[ वि.सं २९ माघ २०८१, मंगलवार ]
[ 11 Feb 2025, Tuesday ]

कैलाली उद्योग वाणिज्य संघसे खो खो खेलके खेलाडीहे सम्मान

पहुरा | २१ माघ २०८१, सोमबार
कैलाली उद्योग वाणिज्य संघसे खो खो खेलके खेलाडीहे सम्मान

पहुरा समाचारदाता
धनगढी, २१ माघ ।
कैलाली उद्योग वाणिज्य संघसे खो–खो खेलके विश्व उपविजेता नेपाली खेलाडीहे सम्मान करले बा । एक कार्यक्रमके बिच कैलाली उद्योग वाणिज्य संघके अध्यक्ष पुष्पराज कुँवर धनगढीमे खेलाडीहे सम्मान करल हो ।

प्रतियोगिताके खेलाडीहे प्रमाणपत्र ओ नगद २५ हजारसहित सम्मान करल कैलाली उद्योग वाणिज्य संघके सचिव सुरेशराज पाण्डे जानकारी डेलै । भारतके राजधानी नयाँ दिल्लीमे जनवरी १३ से १९ तारिकसम हुइल खो खो खेलमे नेपाली टिमके महिला तथा पुरुष खेलाडीहे उपविजेता हुइल रहिट । उ खेलमे भारत महिला तथा पुरुष ओर विजेता बनल रहिट कलेसे भने पुरुष ओर इरान, महिला ओर युगान्डा ओ साउथ अफ्रिका टेसर हुइल रहे ।

उ प्रतियोगितामे पुरुष ओर २० ओ महिला ओर १९ देशके सहभागिता रहल रहे । नेपालमे १९९० पाछे खो–खो खेल खेल्ना सुरू हुइल रहे ।

जनाअवजको टिप्पणीहरू