थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ माघ २६४८, मंगर ]
[ वि.सं २९ माघ २०८१, मंगलवार ]
[ 11 Feb 2025, Tuesday ]

सुदूरपश्चिममे १ लाख ५१ हजार २९१ जाहन एच.पी.भी खोप लगैना

पहुरा | २१ माघ २०८१, सोमबार
सुदूरपश्चिममे १ लाख ५१ हजार २९१ जाहन एच.पी.भी खोप लगैना

पहुरा समाचारदाता
धनगढी, २१ माघ ।
सुदूरपश्चिम प्रदेश भर १ लाख ५१ हजार २९१ जनहनमे पाठेघरके मुहके क्यान्सर विरुद्धके एच.पी.भी खोप लगैना बा । यिहे माघ २२ से फागुन ६ गतेसम सञ्चालन हुइना एच.पी. भी. खोप अभियानमे प्रदेशके नौ जिल्लामे ओटरा खोप लगैना सामाजिक विकास मन्त्रालय प्रदेश खोप समन्वय समितिक सचिवालय डोटीके जनस्वास्थ्य निर्देशक मीनबहादुर जोशी जनैलै ।

स्थानीय तहसे प्राप्त हुइलक तथ्यांक अनुुुसार कक्षा ६ से कक्षा १० समक १ लाख ४५ हजार ८९४ लवरियन ओ विद्यालय नैजैना १० से १४ बरस उमेरके ५ हजार ३९७ जाने लवरियन उ खोप लगैना उहाँ जानकारी डेलै ।
यी अभियान अन्र्तगत कैलालीमे कक्षा ६ से १० समके विद्यालय जैना ४७ हजार ३२६ ओ विद्यालय नैजैना १० बरसे १४ समके ३ हजार २८७ जाने करके ५० हजार ६१३ जनहनमे उ खोप लगैना बा ।

अछाममे १३ हजार ९२१, दार्चुलामे ७ हजार २९१, बैतहीमे १३ हजार ५६४, डडेल्धुरामे ६ हजार ९८६, डोटीमे ११ हजार ४८७, बाजुरामे ७ हजार ८९४, बझाङमे १२ हजार ३५ ओ कञ्चनपुरमे २७ हजार ५ सय जाने कक्षा ६ से १० समके विद्यालय जैना ओ विद्यालय नैजैना १० बरससे १४ बरस उमेरक लवरियानहे खोप लगैना उहाँ जनैलै ।

सामाजिक विकास मन्त्रालय प्रदेश खोप समन्वय समितिके सचिवालय डोटीके निमित्त निर्देशक खगेन्द्र बम पाठेघरके मुखके क्यान्सर रोकथामके पहिल उपाय एचपीभी खोप रहल बटैलै । उ खोप जटरा छोट उमेरमे डेहे सेक्लेसे ओटरे ढेर प्रभावकारी हुइना उहाँक कहाई बा । टबमारे सरकारसे यी वर्ष विद्यालयमे अध्ययन कैना कक्षा ६ से १० समके छात्रा ओ विद्यालय नैजैना १० से १४ वर्ष उमेरके किशोरीनहे खोप यी खोप सरकारसे निःशुल्क रूपमे डेहे लागल बटैलै ।

क्यान्ससके रोकथामके लाग दुसर तहके उपायमे हरेक महिला पाठेघरके मुखके परीक्षण (स्क्रिनिङ) करैना ओ तृतीय तहके उपायमे पाठेघरके मुखके क्यान्सरके निदान हुइल महिलाके उपचार कैना उहाँ जनैलै ।

नेपाल सरकारसे पाठेघरके मुखके क्यान्सर रोगके निवारणके लाग कम्तीमे ९० प्रतिशत १० से १४ वर्ष उमेर भिटरके किशोरीहे एचपीभी खोप डेना लक्ष्य लेहल बा । ओस्टे ३० से ४९ वर्ष उमेर समूहके महिलाके पाठेघरके मुखके क्यान्सरके परीक्षण (स्क्रिनिङ) कैना ओ ९० प्रतिशत पाठेघरके मुखके क्यान्सर रहल महिलाके उपचार कैना लक्ष्य लेहल बा । उ लक्ष्य हासिल कैना विश्व स्वास्थ्य संगठनसे सन् २०३० सममे तीन ठो स्वास्थ्य सेवा निश्चित गन्तव्य निर्धारण करले बा । जेम्ने नेपाल सरकारसे तीनु सेवाके कभरेज कम्तीमे ९० प्रतिशत हासिल कैना लक्ष्य लेहल उहाँक कहाई बा ।

हाल विश्वके १९४ देशमध्ये १४५ देशसे उक्त खोप डेटी आइल बटै । उ भाइरसविरुद्ध सिकोलिन खोप लगाई लागल हो । उ खोप लक्षित उमेर समूह बाहेक अन्य व्यक्तिहे लगाई नइहुइना उहाँक कहाई बा । ओस्टेक गर्भवती किशोरी÷महिला, विगतमे कौनो खोप लगाईबेर गम्भीर एलर्जी ह्ुइल व्यक्ति ओ विगतमे कौनो खोप लगाईबेर एनाफाईलेक्सिस प्रतिक्रिया हुइल व्यक्तिसे लगाई नैहुइना बटैलै ।

नेपालमे करिब ९ वर्ष आघे चितवन ओ कास्की जिल्लामे यी खोप सेवा सञ्चालन करल रहे । उ बेला कक्षा ९ के छात्रा ओ विद्यालय नैजैना १० वर्ष उमेरके किशोरीनहे हरेक विद्यालयमे खोप केन्द्र सञ्चालन करके ६ महिनाके फरकमे दुई मात्रा लगाइल रहे ।

यी खोप सेवा देशभर विस्तार कैना योजना रहे । मने, विश्व बजारमे पर्याप्त मात्रामे खोप उपलब्ध नैहुइल तथा कोभिड–१९ महामारीसे समेत विस्तार हुई सेकल नैरहे । गैल वर्ष सातु प्रदेशके १÷१ ठो अस्पतालसे १४ वर्ष उमेरके करिब १० हजार किशोरीहे ६ महिनाके फरकमे दुई मात्रा लगाइल रहे ।

एच.पी.भी. भाइरस २ सय मेरके रहलमे १२ प्रजातिके केल्ह पाठेघरके मुहके क्यान्सर करैना मुख्य कारण रहल उहाँ जनैलै ।

जनाअवजको टिप्पणीहरू