कैलाली विद्या निकेतनसे रजत जयन्तीके लोगो सार्वजनिक

पहुरा समाचारदाता
धनगढी, २२ माघ । कैलाली विद्या निकेतन धनगढीसे एक समारोहबीच रजत जयन्तीके लोगो सार्वजनिक करले बा ।
प्रमुख अतिथि पूर्व शिक्षा निर्देशक नन्दराज पन्त कैलाली विद्या निकेतन २५औं वर्षमे प्रवेश करल अवसरमे श्रीपञ्चमीके दिन रजत जयन्तीके लोगो सार्वजनिक करल हुइट ।
वि.सं. २०५६ सालमे स्थापना हुइल कैलाली विद्या निकेतनमे हाल नर्सरीसे १० कक्षासम अध्यापन हुइटी आइल बा । विद्यालयके संस्थापक प्रिन्सिपल टोपेन्द्र शाह सभापतित्वमे सम्पन्न लोगो अनावरण कार्यक्रममे वरिष्ठ साहित्यकार यज्ञराज यात्री, सुदूरपश्चिम विश्व विद्यालयके प्राध्यापक एवं गीता फर लाइफके केन्द्रीय संयोजक डा. हरिचन्द्र कमली, शैक्षिक व्यक्तित्व हृदय पुजारा, कृष्ण आचार्य, प्रेमराज जोशी अपन धारणा राखल रहिट ।
ओस्टेक करके कार्यक्रममे अभिभावक दीर्घबहादुर शाह, चाँदनी जोशी, गङादत्त जोशी, बलबहादुर बोगटी, योग गुरु धर्मराज कोइराला, विद्यालयके संस्थापक रेखा सिंहलगायतसे विद्यालय २५ वसन्तमे प्रवेश करलमे खुसी व्यक्त करल रहिट । ओइने विद्यालयके थप प्रगतिके कामना करल रहिट ।
प्रिन्सिपल शाह अभिभावक, विद्यार्थी, शिक्षक ओ समुदायके मनैनके प्रेरणासे विद्यालय आजके अवस्थामे आपुगल बटैलै । उहाँ अइना दिनमेफे सक्कु क्षेत्रसे अस्टे सहयोगके अपेक्षा करल बटैलै । ‘अपनेनके साथ ओ प्रेरणाविन हमार यहाँसमके यात्रा सम्भव नैरहे । अइना दिनमेफे अस्टे साथ ओ सहयोगके अपेक्षा विद्यालयसे करले बा । हमार सबल ओ दुर्वल पक्ष यहाँहुक्रे औंल्या डेनामे हम्रे विश्वस्त बटी ।
प्रमुख अतिथि पन्तहे विद्यालयके ओरसे दोसल्ला ओढाके सम्मान करल रहे ।
