थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ माघ २६४८, मंगर ]
[ वि.सं २९ माघ २०८१, मंगलवार ]
[ 11 Feb 2025, Tuesday ]

सरकार ससंदसे भागे खोजटाः पुन

पहुरा | २३ माघ २०८१, बुधबार
सरकार ससंदसे भागे खोजटाः पुन

पहुरा समाचारदाता
धनगढी, २३ माघ ।
नेकपा माओवादी केन्द्रके उप–महासचिव बर्षमान पुन वर्तमान सरकार ससंदसे भागे खोजल आरोप लगैले बाटै ।

धनगढीमे बुधके प्रेस सेन्टर कैलालीके आयोजनामे हुइल पत्रकार सममेलनमे बोल्टी उप–महासचिव पुन ससंदसे कानुन बनाइ पर्नामे सरकार अध्यायदेश मार्फत चलैटी रहल बटैलै । ‘कानुन बनैना संस्था ससंद हो, मने अब्बे सरकार कार्यपालिकासे कानुन बनाइ खोज्टी बा इ गलत परिपाटी हो’, उहाँ कहलै, ‘प्रधानमन्त्री केपी शर्मा ओली बिगतके गलत अभ्यास दोहोर्‍याइ खोज्टी बाटै, उहाँ अध्यादेश मार्फत कानुन बनैना ओ ओ ढिरेसे ससंदके बिकल्प खोज्ना ओ उन्मुख हुइल बाटै, इ अभ्यास लोकतान्त्रिक व्यवस्था विपरित हो ।’

उप–महासचिव पुन सरकारसे अर्थतन्त्र समेत सुधार करे नैसेकल बटैलै । बिगतके सरकारसे बनाइल बजेट समेत वर्तमान सरकार कार्यान्वयनसे पाछे हट्टी रहल बा, उहाँ कहलै, ‘अपने सहभागी हुइल सरकारसे लानल बजेट फेन कार्यान्वयन करे नैसेक्ना दुःखद पक्ष हो, पुँजीगत खर्च समेत बह्राइ नैसेकल सरकारसे अर्थतन्त्र सुधार करे नैसेकी ।’

सरकारसे भूमी सम्बन्धी लानल अध्यादेशसे भुमिहिनहे जग्गा बँट्नासे सरकारी जग्गा हडप्ना ओर सहजता लानल उहाँके कहाइ रहे । पुन तत्काल एमालेसगं सहकार्य एवं एकताके कौनो सम्भावना नैरहल बटैलै । कम्युनिष्ट एकता कहटी काँग्रेससे केपी ओली नै मिलल् ओरसे आब माओवादी एकताके पहलसे फेन अकली चुनाव लरके बरवार शक्ति बन्ना ओर केन्द्रित रहल उहाँ बटैलै । सुदुरपश्चिममे दल नेता सम्बन्धी समस्या पार्टीसे समाधान कैना उहाँके कहाइ रहे ।

जनाअवजको टिप्पणीहरू