थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ माघ २६४८, मंगर ]
[ वि.सं २९ माघ २०८१, मंगलवार ]
[ 11 Feb 2025, Tuesday ]

सत्कर्ममे लागलहे प्रदेश सरकारसे सहयोग करीः मुख्यमन्त्री शाह

पहुरा | २३ माघ २०८१, बुधबार
सत्कर्ममे लागलहे प्रदेश सरकारसे सहयोग करीः मुख्यमन्त्री शाह

पहुरा समाचारदाता
धनगढी, २३ माघ ।
मानवसेवा आश्रम धनगढी शाखाके भवन निर्माणार्थ धनगढीमे बुधसे श्रीमद् भागवत सप्ताह ज्ञान विज्ञान महायज्ञ सुरु हुइल बा । महायज्ञके सुदूरपश्चिम प्रदेशके मुख्यमन्त्री कमलबहादुर शाह उदघाटन करल हुइट ।

ओहे क्रममे उहाँ सत्कर्ममे लागल व्यक्ति, संस्थाहे प्रदेश सरकारसे सहयोग कैना बटैलै । वृद्धवृद्धा ओ सहाराविहीनहे सहारा डेहक लाग भवन निर्माणार्थ आयोजित महायज्ञके पूर्ण सफलताके कामना कैटी उहाँ कहलै, “सक्कु काम सरकारसे नैकरे सेकठ् । करे नैसेकल काममे सत्कर्ममे लागल अपनेहुक्रन जस्टे निःस्वार्थ भावना रहल संघ संस्थाहे जोरे परठ् कना प्रदेश सरकारके मान्यता बा ।”

उहाँ मानवसेवा आश्रमसे नेपालमे पुरुबसे पश्छिउसम असहाय ओ वृद्धवृृद्धाहे करटी रहल निःस्वार्थ सहयोग सराहनीय रहल बटैलै । हप्ता दिनसम आयोजना हुइना श्रीमद् भागवत सप्ताह ज्ञान विज्ञान महायज्ञमा भाष्कर कमलनयन गौतम संगीतमय श्रीमद् भागवत कथा वाचन कैना जनाइल बा ।

महायज्ञ उदघाटनसत्रमे सुदूरपश्चिम प्रदेशके आन्तरिक मामिला तथा कानुनमन्त्री हिरा सार्की, प्रदेशसभा सदस्य धर्मराज पाठक, धनगढी उपमहानगरपालिका उपप्रमुख कन्दकला रानाथारू लगायत शुभकामना मन्तव्य राखल रहिट ।
मानवसेवा आश्रम धनगढी शाखा २०७५ अगहन १ से सञ्चालनमे रहल बा । आश्रमसे हालसम ३८८ जाने सहयोगापेक्षी सडक मानवके उद्धार कैके सहारा डेले बा ।

जनाअवजको टिप्पणीहरू