रेडक्रस कैलालीके सभापतिमे लोकराज जोशी
पहुरा समाचारदाता
कैलाली, १७ फागुन । नेपाल रेडक्रस सोसाइटी कैलाली शाखाके सभापतिमे लोकराज जोशी निर्वाचित हुइल बटै । सोसाइटीके ४९ औं साधारण सभासे जोशीहे सभापतिमे निर्विरोध निर्वाचित करल हो । जोशी यी आघे सोसाइटीके मन्त्री रहिट ।
जोशीसंग कैलाली रेडक्रसके महिला उपाध्यक्षमे दीपा बडायक, मन्त्रीमे राकेश हमाल, कोषाध्यक्षमे गोविन्द प्रसाद जोशी, उपमन्त्री भीम बहादुर महर ओ उपकोषाध्यक्षमे रंगप्रसाद तिमिल्सिनिना निर्विरोध निर्वाचित हुइल निर्वाचन अधिकृत खडक बहादुर खडका बटैलै ।
ओस्टेक करके रेडक्रसके उपसभापति ओ १० खुल्ला सदस्यके लाग भर निर्वाचन हुइल निर्वाचन अधिकृत खड्का बटैलै ।
उपसभापतिमे बलबहादुर रावल निर्वाचित हुइल बटै । रावल जगदिश्वर पण्डितहे पराजित करले बटै ।
ओस्टेक करके सदस्यमे छत्रबहादुर बम, धौलि कुमारी जोशी (जैशी), मिना कुमारी साउद, टोप बहादुर केसी, मीना कुमारी चौधरी, धर्मराज जोशी, पुस्कर बहादुर मल्ल, तारा साउद, दिनेश कुमार लामिछने ओ सुरत बहादुर स्वाँर निर्वाचित हुइल निर्वाचन अधिकृत खड्का बटैैलै ।
यी आघे निवर्तमान सभापति बासुदेव विनाडीके सभापतित्वमे हुइल संघके साधारण सभाके सुदुरपश्चिम प्रदेशके सामाजिक बिकास मन्त्री मेघराज खड्का उदघाटन करल रहिट ।
