सीमान्तकृत ओ संरक्षण विहिन बालबालिकनहे शैक्षिक सामाग्री वितरण
पहु्रा समाचारदाता
हसु्लिया, २० फागुन । कैलाली जिल्लाके कैलारी गाउँपालिका–४ के गाउँमे रहल जनकल्याण माविके अध्यययनरत रहल सीमान्तकृत ओ संरक्षण विहिन बालबालिकाहुकनहे शैक्षिक सामाग्री हस्तान्तरण कैगिल बा ।
कैलारी गाउँपालिका उपाध्यक्ष भगवतीकुमारी चौधरीके प्रमुख आतिथ्यतामे हुइल एक कार्यक्रमके विच जनकल्याण माविके अध्यययनरत रहल सीमान्तकृत ओ संरक्षण विहिन २० जाने बालबालिकाहुकनहे शैक्षिक सामाग्री हस्तान्तरण कैगिल बा ।
कार्यक्रममे सम्बोधन करटी गाउँपालिका उपाध्यक्ष भगवतीकुमारी चौधरी शैक्षिक सामाग्री हस्तान्तरणसे आर्थिक अवस्था कम्जोर रहल बालबालिकाहुकनके पह्राईमे टेवा पुग्ना बटैली ।
मानव अधिकारका लागि महिला एकल महिला समुहके प्रदेश अध्यक्ष सुमन शर्मा २० जाने सीमान्तकृत ओ संरक्षण विहिन बालबालिकाहुकनहे प्रतिविद्यार्थी १० हजार बराबरके शैक्षिक सामाग्री हस्तान्तरण कैगिल बटैली । कार्यक्रममे वडा नम्बर ४ के वडा अध्यक्ष ठागुराम चौधरी, कैलारी गाउँपालिका सामाजिक विकास शाखा प्रमुख यगम कलेललगायत मन्तव्य राखल रहिट ।
बुमन फर फ्रिडम ओ मानव अधिकारका लागि महिला एकल महिला समुहके सहयोग तथा कैलारी गाउँपालिकाके समन्वयमे जनकल्याण माविके अध्यययनरत रहल सीमान्तकृत ओ संरक्षण विहिन बालबालिकाहुकनहे शैक्षिक सामाग्री हस्तान्तरण कैगिल हो । कार्यक्रममे सहजीकरण तथा कार्यक्रमबारे जानकारी मानव अधिकारका लागि महिला एकल महिला समुहके कार्यक्रम संयोजक वेद अवस्थी करल रही । शैक्षिक सामाग्री वितरण कार्यक्रममे विद्यालयके प्रअ हनुमान चौधरीलगायत बालबालिकाके अभिभावकहुकनके सहभागिता रहे ।
