कैलारीमे शारीरिक अपाङता परीक्षण घुम्ती शिविर हुइना

पहुरा समाचारदाता
हसुलिया, २२ फागुन । कैलाली जिल्लाके कैलारी गाउँपालिका वडा नम्बर ३ टिसिएन डाँडामे शारीरिक अपाङता परीक्षण घुम्ती शिविर फागुन २४ गते हुइना बा ।

कैलारी गाउँपालिका, हसुलिया कैलाली तथा विकलाङ मित्र समूह÷अपाङ बाल अस्पताल तथा पुनस्र्थापना केन्द्र बनेपा, काभ्रेपलाञ्चोकसंगके संयुक्त आयोजनामे १८ वर्षसमके शारीरिक अपाङगता हुइल बालबालिकाके लाग स्वास्थ्य तथा पुनस्र्थापना घुम्ती शिविर संचालक हुइना कैलारी गाउँपालिका स्वास्थ्य शाखा प्रमुख नरेशकुमार चौधरी जनैलै ।

घुम्ती शिविरमे जन्मजात गोरके पैतला भिटर फर्कल (क्लब फुट), आगीसे डहके जंग एक आपसमे जोटल, गोड टुटके बाङ हुइल वा गोर लुल ओ कमजोर हुइलके चेकजाँच ओ उपचार हुइना बा ।

ओस्टेक करके ढाड बाङ वा कुप्रो हुइल जोर्नी ओ घुडाके पोग्रो खुम्चल, जोर्नी बठैना, सुवैना अवस्था, हडडी पाक्के पिप अइटी रना, हडडीके टि वि. रोग लग्ना, अंगरी अक्केमे जोरलके उपचारमे कैना जनागिल बा ।

ओस्टेक शरीरके टमान जोर्नी बाङ वा खुस्कल, अन्य हाडजोडी सम्बन्धी समस्या रहल, जल्मटी ढाँड तथा तालु फाटल, गिजामे फोङग रहल, नाक बाङ हुइलके उपचार हुइना बा ।

शिविरमे आइबेर अस्पतालसे चेकर्जाच करल पर्चा साथमे लेके आईपर्ना बा ।