११५ औं अन्तर्राष्ट्रिय महिला दिवसके पूर्व सन्ध्यामे सरसफाई

पहुरा समाचारदाता
हसुलिया, २३ फागुन । ११५ औं अन्तिराष्ट्रिय महिला दिवसके पूर्व सन्ध्यामे कैलारी गाँउपालिके हसुलिया बजार क्षेत्रमे बृहत सरसफाई कार्यक्रम कैगिल बा ।

कैलारी गाँउपापालिकामे स्थापित बि.एफ.सी. क्लबके आयोजनामे महिला दिवसके पूर्व सन्ध्यामे कैलारी गाउँपालिकाके हसुलिया बजार क्षेत्रमे वृहत सरसफाई कार्यक्रम कैगिल हो । ‘सक्कु महिला तथा बालबालिकाके लागः अधिकार, समानता ओ सशक्तीकरण’ कना मुल नाराके साथ देश भर ११५औं महिला दिवस मनैटी कैलारीके बैक, वित्तीय ओ सहकारीके हितमे स्थापित बि.एफ.सी क्लवसे शुकके रोज ‘हमार पहिचान सरसफाई अभियान’ कना मुल नाराके साथ सरसफाई अभियान कार्यक्रमके सुरुवाट करल हो ।

क्लवके अध्यक्ष युवराज जोशी स्वस्थ जीवनके लाग स्वस्थ वातावरणके आवश्यकता पर्ना बटैलै । उहाँ कहलै, ‘जीवन स्वस्थ रख्न सरसफाई ध्यान डेहे परठ । ओकर थालनीफे अपनसे करे परठ कहिके वि.एफ.सी.से सरसफाई कार्यक्रमके आयोजना करल हो ।

संस्थाके उपाध्यक्ष कौशी बोहरा यी कार्यक्रम मजा रहल ओरसे यिहीहे निरन्तरता डेहे पर्ना बटैली । ओस्टेक करके बजार सरसफाई रख्न सक्कु जाने हातोमलो करेपर्ना बटैली । कार्यक्रममे कैलारी गाउँपालिकाके वडा नं ३ के वडा अध्यक्ष सन्तराम चौधरी, गाउँपालिकाके सुचना अधिकारी एगम कलेल, स्वास्थ्य शाखाके प्रमुख नरेश चौधरी, व्यवसायी, समाजसेवी ओ बुद्धिजिवी, बि.एफ.सी क्लवके सल्लाहकार लगायत पदाधिकारी एवं सदस्य, ओ वित्त संस्थाके प्रतिनिधिहुकनके सहभागिता रहे । गाउँपालिकाके कार्यालयसे सुरु हुइल सरसफाई कार्यक्रम हुलाकी सडक हुइटी फेरसे गाउँपालिकाके आघे कोण सभा करके सम्पन्न हुइल रहे ।