पित्तरठोक्वा ढकिहर समाजके तेसर गोट्यार सम्मेलन निम्जल
पहुरा समाचारदाता
धनगढी, फागुन २४ गते । शनिच्चरके रोज घोडाघोडी नगरपालिका वडा नम्बर १० लठैयामे पित्तरठोक्वा ढकिहर समाजके तेसर गोट्यार सम्मेलन निम्जल बा ।
समाजके अध्यक्ष जालुराम पित्तरठोक्वा ढकिहरके अध्यक्षतामे हुइल कार्यक्रममे कैलाली जिल्लाके टमान गाउँके पित्तरठोक्वा ढकिहरहुकनके सहभागिता रहे ।
कार्यक्रममे समाजके अध्यक्ष जालुराम पित्तरठोक्वा ढकिहर जातहुकनके खोजी कैरटि अपन संस्कृति संरक्षण ओ सम्वद्र्धन करे परना बटैलैं । उहाँ अपन समाजहे आघे बह्राइक लाग सब जाने चासो डेहे परना बटैलैं ।
ओस्टेक, कार्यक्रममे समाजके सचिव औरे जिल्लामे रहल पित्तरठोक्वा ढकिहर गोट्यारनहे खोजी कैके अइसिन कार्यक्रममे समावेश गरेपरना बटैले रहैं ।
उ अवसरमे पित्तरठोक्वा ढकिहर समाजके टमान व्यक्तिहुकनहे सम्मान करल रहे । सम्मानित हुइनामे लठैयाके दुःखीराम पित्तरठोक्वा ढकिहर, थेवैके शिवप्रसाद पित्तरठोक्वा ढकिहर, तिल्कहनीपुरके दयाराम पित्तरठोक्वा ढकिहर, पृथ्वीदपुरके साहेवलाल पित्तरठोक्वा ढकिहर, पवेराके टिकाराम पित्तरठोक्वा ढकिहर, जंगबहादुर पित्तरठोक्वा ढकिहर, रामकुमार पित्तरठोक्वा ढकिहर, कैलारीके रामप्रसाद पित्तरठोक्वा ढकिहर, माया पित्तरठोक्वा ढकिहर, छेदुराम पित्तरठोक्वा ढकिहर, श्रीलंकाके रामप्रसा पित्तरठोक्वा ढकिहरलगायतहे सम्मान करल रहे ।
कार्यक्रममे धनगढीके दीपक पित्तरठोक्वा ढकिहर, पवेराके गोकर्ण पित्तरठोक्वा ढकिहर, लठैयाके श्रवण पित्तरठोक्वा ढकिहर, ईन्द्रादेवी पित्तरठोक्वा ढकिहर, विसनपुरके जालराम पित्तरठोक्वा ढकिहर, कैलारीके रामप्रसाद पित्तरठोक्वा ढकिहरलगायत मन्तव्य व्यक्त करले रहैं ।
समाजके कोषाध्यक्ष माया पित्तरठोक्वा ढकिहर वार्षिक प्रगति प्रतिवेदन प्रस्तुत करल कार्यक्रममे स्वागत उपाध्यक्ष टिकाराम पित्तरठोक्वा ढकिहर करले रहैं । कार्यक्रमके संचालन प्रेमलाल पित्तरठोक्वा ढकिहर करल रहैं ।
