प्रदेश प्रमुख नजिर मियाँहे १९ बुदे सुप घोषणापत्र बुझागिल
पहुरा समाचारदाता
धनगढी, २५ फागुन । सुदूरपश्चिम प्रदेश प्रमुख माननिय नजिर मियाँ अन्सारीहे आभाषासे १९ बुदे सुदूरपश्चिम घोषणापत्र बुझागिल बा ।
११५ औं अन्तर्राष्ट्रिय महिला दिवसके अवसरमे आभाशा राष्ट्रिय अभियान अन्तरगत सरदुरपश्चिम प्रदेशमे सम्पन्न सातौ ऐतिहासिक राष्ट्रिय बेटी सम्मेलन–२०८१ सुदुरपश्चिम प्रदेश, कैलालीसे जारी करल १९ बुदे सुदुरपश्चिम घोषणा–पत्र प्रदेश प्रमुख माननिय नजिर मियाँ अन्सारीहे बुझागिल हो ।
आभाशा राष्ट्रिय अभियान केन्द्रीय संयोजक महिला अधिकारकर्मी नजबुल खानके प्रमुख नेतृत्वमे गैल टोलीसे उ घोषणापत्र बुझाइल सुदुरपश्चिम प्रदेशके प्रवक्ता अपसरा कुवँर बटैली ।
टोलीमे केन्द्रीय संयोजक नजबुल खान, प्रदेश संयोजक बिमला कडायत, प्रवक्ता अपसरा कुवँरके साथे ब्यबस्थापनमे नाजिया बानुसहितके सहभागिता रहे । आभाशा राष्ट्रिय अभियानके नारा “समानता ,समावेशी ओ मानवअधिकारके लाग हुई परठ, आसनमे महिला, भाषणमे महिला, शासनमे महिला ।”
“हरेक घर, हरेक पालिका हुई परठ साहसी वालिका” ओ “महिलाके नेतृत्व पारदर्शी काम, समानताके लाग हमार अभियान,” के साथे आघे बह्रल बा ।
