शाह प्याब्सन प्रेसिडेन्ट अवार्डसे सम्मानित
पहुरा समाचारदाता
धनगढी, २८ फागुन । प्याब्सन कैलालीके निवर्तमान अध्यक्ष टोपेन्द्र शाह प्रेसिडेन्ट अवार्ड–२०८१ से सम्मानित हुइल बटै ।
नीजि तथा आवासीय विद्यालय अर्गनाइजेशन नेपाल (प्याब्सन) के यिहे फागुन २६ ओ २७ गते सम्पन्न हुइल प्याब्सन १६औ राष्ट्रिय महाधिवेशनमे ३ बर्षे कार्यकाल (२०७८–२०८१) मे देशैभरके प्याब्सन जिल्ला अध्यक्ष मध्ये प्याब्सन कैलालीके निवर्तमान अध्यक्ष शाह प्रेसिडेन्ट अवार्ड–२०८१ से सम्मानित हुइल रहिट ।
उहाँहे प्याब्सन कैलालीके अध्यक्ष रहेबेर प्याब्सनके गतिविधी, शैक्षिक क्रियाकलाप, उत्कृष्ट व्यवस्थापन, केन्द्रसँगके समन्वय, सदस्य विद्यालयसङ्गके सहकार्य, नेतृत्वदायी भूमिका करल कहटी उत्कृष्ट अध्यक्षके रूपमे प्याब्सन केन्द्रीय समितिसे मूल्यांकन करके अवार्ड प्रेसिडेन्ट अवार्डसे सम्मान करल हो ।
शाह कैलाली विद्या निकेतन, धनगढीके संस्थापक प्रिन्सिपल समेत हुइट । उ प्रेसिडेन्ट अवार्ड तीन बर्षे कार्यकालमे देशभरके प्याब्सन जिल्ला अध्यक्ष मध्य उत्कृष्ट अध्यक्षहे कार्यगत मूल्यांकनके आधारमे सम्मान करजाइठ ।
