पशुपतिनाथ सामुदायिक वनके १०आंै वार्षिक साधारण सभा
पहुरा समाचारदाता
धनगढी, २८ फागुन । कैलालीके घोडाघोडी नगरपालिका वडा नम्बर ११ सिसैयामे रहल पशुपतिनाथ सामुदायिक वन उपभोक्ता समुहके १०औं वार्षिक साधारणसभा तथा सार्वजनिक सुनुवाई कार्यक्रम सम्पन्न हुइल बा ।
समुहके अध्यक्ष बालकराम कठरियाके अध्यक्षतामे हुइल कार्यक्रममे वरका पहुना सामुदायिक वन समन्वय समिति अध्यक्ष पुस्कलबहादुर वम रहल रहिट । कार्यक्रममे सम्बोधन करटी उहाँ करटी २५ प्रतिशत सामुदायिक वनसे बजेट स्थानीय सरकरहे डेहे पर्ना बटैलै ।
खास पहुना सव डिभिजन कार्यालय सुखदके वन रक्षक डवल साउद सव डिभिजनसे हुइना सक्कु सहयोग कर्ना तयार रहल बटैलै । वडा नम्बर ११ के महिला वडा सदस्य पार्वती कठरिया अइना बजेट पशुपतिनाथ समुहके लाग कोसिस कर्ना बटैली । पहुरा समाचारदाता जीवन कुमार चौधरी लर्का बचाइ जस्टे वनुवा बचैना जरुरी रहल बटैलै ।
कार्यक्रममे गाउँक भल्मन्सा गयाप्रसाद कठरिया मन्तव्य राखल रहिट । समुहके सचिव जानकीकुमारी कठरिया स्वागत मन्तव्य करटी ९ लाख ५८ हजार ६० रु. बराबरके आयव्यय प्रस्तुत करल रही ।
