लागु औषधसहित सात जाने पक्राउ
पहुरा समाचारदाता
धनगढी, २९ फागुन । कैलाली कञ्चनपुरके अलग अलग ठाउँसे अवैध लागु औषधसहित सात जाने पक्राउ परल बटै ।
कैलालीके धनगढी उ.म.न.पा.३ त्रिनगर ब्यारेल लग्गेसे वडा नम्बर १३ कैलालीगाउँ ओ कञ्चनपुरके कृष्णपुर न.पा.९ बैठना १७ बर्षिय दुई जाने किशोरहे २ ग्राम ८४० मिलिग्राम लागु औषध खैरो हेरोइनसहित जिल्ला प्रहरी कार्यालय कैलाली समेतसे खटल प्रहरी टोलीसे नियन्त्रणमे लेके ठप अनुसन्धान करटी बा ।
ओस्टेक कञ्चनपुर भीमदत्त न.पा.६ बनगाउँ चौकसे उहे ठाउँक दिवस चन्द, नरेश बम ओ हिरा वमहे पक्राउ करल बा ।
ऐसी होटेल आघेसे उहे ठाउँ बैठना बर्ष २० के दिवस चन्दहे खानतलासी करेबेर ०.१४ ग्राम लागुऔषध खैरो हेरोइन फेला पारके प्रारम्भिक सोधपुछके क्रममे वडा नम्बर १८ बैठना नरेश बमसे खरिद करके ल्यानल कना सूचना डेहल ओरसे हु्कान सूचनाके आधारमे नरेश बमके घर खानतलासी करेबेर घरके दुसरा तलाके भान्सा कोठामे रहल हुकान गोसिनीय हिरा वमके साथसे १.३९ ग्राम लागुऔषध खैरो हेरोइन फेला पारके जम्मा १.५३ ग्राम लागूऔषध खैरो हेरोइनसहित तिनु जनहन पक्राउ करल हो ।
लागुऔषध नियन्त्रण व्युरो शाखा कार्यालय महेन्द्रनगर, कञ्चनपुरसे खटल प्रहरी टोली तिनु जनहनहे नियन्त्रणमे लेके ठप अनुसन्धान करटी रहल बा ।
ओस्टे कञ्चनपुरके लालझाडी गा.पा.३ बल्मीसे उहे ठाउँ बैठना बर्ष २२ के मिलन राना ओ वडा नम्बर २ कञ्ज बैठना बर्ष २७ के पुरन रानाहे ०.८६ ग्राम लागुऔषध खैरो हेरोइनसहिट पक्राउ करले बा ।
इलाका प्रहरी कार्यालय बेलौरी, कञ्चनपुरसे खटल प्रहरी टोलीसे नियन्त्रणमे लेके ठप अनुसन्धान करटी बा ।
