कालिका लघुवित्त वित्तीयसे साक्षरता कार्यक्रम

पहुरा समाचारदाता
पहलमानपुर, २९ फागुन । कैलालीके घोडाघोडी नगरपालिकास्थित पहलमानपुरमे रहल कालिका लघुवित्त वित्तीय संस्था लिमिटेडसे केन्द्र प्रमुख गोष्ठी तथा वित्तीय साक्षरता कार्यक्रम कैगिल बा ।

उ उघु वित्तके केन्द्र नम्बर ६६ के केन्द्र प्रमुख राधिका सोडारीके अध्यक्षतामे हुइल कार्यक्रममे घोडाघोडी नगरपालिकाके नगर प्रमुख खडकबहादुर रावत वरका पहुना रहल रहिट । कार्यक्रममे सम्बोधन करटी उहाँ लघु वित्त ग्रामीण भेगमे आर्थिक रुपमे सवल बनैनामे योगदान पुगाइल चर्चा करलै । गाउँघरमे एक सहकारीसे ऋण लेके दुसर सहकारीहे तिर्ना, ऋण लेके नैतिर्ना परिपाटी बह्रटी गैल ओरसे सजग रना उहाँ आग्रह करलै ।

कार्यक्रममे लघु वित्तके अनुगमन अधिकृत रमेश प्रसाद उपाध्याय, केन्द्र नम्बर ३६ के केन्द्र प्रमुख दिपा बम, लघु वित्तके सदस्य शिवराज बुढालगायतसे मन्तव्य राखल रहिट । प्रगती विवरण लघुवितके पहलमानपुर शाखा प्रमुख खडक सिंह भाट प्रस्तुत करल रहिट । यिहे अवसरमे लघु वित्तसे असल ऋणीहुकनहे सम्मानफे करले बा । कार्यक्रममे स्वागत मन्तव्य कर्मचारी विमला बोहरा राखल रहिट ।