सीप मेलासे तालिम लेहुइयाहे नवजीवनसे बिना धितो ऋण डेना
पहुरा समाचारदाता
धनगढी, ५ चैत । धनगढीके सीप तथा रोजगार मेलासे तालिम लेहलहुकनहे नवजीवन सहकारीसे बिना धितो ऋण डेना हुइल बा ।
धनगढी उपमहानगरपालिकासे आयोजना करल सीप मेलासे तालिम लेहलहुकनहे नवजीवन सहकारी संस्थासे बिना धितो ऋण डेना हुइल हो ।
नवजीवन सहकारी संस्थाके अध्यक्ष देबबहादुर बमसहितके टोलीसे तालिम लेटी करलसंग व्यवसाय कैना नवजीवनसे ऋण सहयोग कैना बटैले बा । नवजीवन सहकारी संस्थासे समूहमे ऋण लेहुइयाके लाग धितो आवश्यक नैपर्ना बटाइल हो । मने, व्यक्तिगत रुपमे ऋण लेहुइयाके लाग भर धितो आवश्यक पर्ना सहकारी बटैले बा ।
नवजीवन सहकारी संस्था लिमिटेड, धनगढीके अध्यक्ष बम सीप तथा मेलामे तालिम लेटी रहुइयासंग बिना धितो ऋण डेहे सेक्ना बताइल हुइट ।
धनगढी उपमहानगरपालिका क्षेत्रके प्रशिक्षार्थिहुकनहे एक समूह बनैना ओ कर्मचारी मेलामे पठाके ऋणके प्रक्रिया सुरु कैना बटैलै । उहाँ कहलै, ‘अपनेहु्कनहे ऋण चहना हो । अब्बे सीप सिख्टी बटी । स्वरोजगार कैसिक बन्न ? व्यवसायमे कैसिक जैना ? ६ प्रति फोटु, नागरिकताके प्रतिलिपि, एक हजार तीन सय ल्यानी कर्मचारी हम्रे पठैठी । यिहे फारम भरडिही ।
