दुर्गालक्ष्मीमे नेविसंघके महरा प्यानलसहित विजयी

पहुरा समाचारदाता
धनगढी, २८ चैत । कैलालीके अत्तरियास्थित दुर्गालक्ष्मी बहुमुखी क्याम्पसके स्वतन्त्र विद्यार्थी युनियन (स्ववियु) सभापतिमे नेपाल विद्यार्थी संघ (नेविसंघ) के भुवन महरा निर्वाचित हुइल बटैं ।

अखिल संयुक्त प्यानलके उम्मेदवार बमबहादुर विश्वकर्माहे पराजित कैके महरा स्ववियु सभापतिमे निर्वाचित हुइल बटैं । दुर्गालक्ष्मीके स्ववियु सभापतिमे उहाँक यी लगातार दोसर जित हो । विजयी महरा ४४१ ओ पराजित विश्वकर्मा ३७८ मत प्राप्त करलैं । अस्टेक, सचिवमे नेविसंघके ज्योति साहु ४७४ मत प्राप्त कैके विजयी होके उहाँक प्रतिस्पर्धी अखिल संयुक्तके गणेशनाथ योगी ३२६ मत प्राप्त करले रहैं ।

अस्टेक, कोषाध्यक्षमे नेविसंघके सोनिया शाह ४४५ मत प्राप्त कैके विजयी हुइल बटैं । उहाँक प्रतिस्पर्धी दिपिका जोशी ३५१ मत प्राप्त करलैं । बुधबार हुइल स्ववियुके निर्वाचनमे जम्मा ८३१ मत परल रहे ।