विशालनगर जनता मार्गमे पक्की सडक निर्माणके लाग त्रिपक्षीय सम्झौता

पहुरा समाचारदाता
धनगढी, २२ पुस । कैलालीके धनगढी उपमहानगरपालिका वडा ३ विशालनगर जनता मार्गमे आर.सी.सी. नाली सहित पक्की सडक निर्माणके लाग त्रिपक्षीय सम्झौता कार्यक्रम सम्पन्न हुइल बा ।

धनगढी उपमहानगरपालिका नगरकार्यपालिका कार्यालय वडा नम्बर ३ कार्यालय ओ मित्रनगर टोल विकास समितिबीच विद्युत मार्ग ३ मित्रनगर आ.सी.सी.नाली निर्माण ओ धनगढी उपमहानगरपालिका नगर कार्यपालिकाके कार्यालय, वडा नम्बर ३ कार्यालय ओ सिद्धि विनायक टोल विकास संस्थाबीच त्रिपक्षीय सम्झौता हुइल बा ।

धनगढी उपमहानगरपालिकाके ५० प्रतिशत, वडा कार्यालयसे ३० प्रतिशत ओ स्थानीय टोल विकास समितिसे २० प्रतिशत लागत साझेदारीमे निर्माण कैना सम्झौता हुइल हो । २०८०÷८१ सालमे वडा न. ३ विशालनगर नमूना मार्ग ओ २०८१÷८२ मे वडा न. ३ विशालनगर स्थित नेतुवा मार्ग ओ गुरूद्वारा मार्गमेफे धनगढी उपमहानगरपालिकाके कार्यपालिका कार्यालय, वडा कार्यालय ओ स्थानीय टोल विकास समितिबीच लागत साझेदारीमे निर्माण कार्य हुइल रहे ।

कार्यक्रममे धनगढी उपमहानगरपालिकाके नगर प्रमुख गोपाल हमाललगायत उ तोलबासीके सहभागिता रहे ।