सिडा समितिमे सिफारिस ओ राष्ट्रिय कार्ययोजना बिषयमे छलफल

पहुरा समाचारदाता
धनगढी, २५ सावन । महिलाविरुद्ध हुइल सक्कु मेरके भेदभाव उन्मूलनसम्बन्धी महासन्धि (सिडा) समितिके सिफारिस ओ राष्ट्रिय कार्ययोजना–२०८२ के प्रभावकारी कार्यान्वयन बिषयक छलफल कार्यक्रम हुइल बा ।

धनगढीमे सोम्मारके रोज सम्पन्न सिडा समितिके सिफारिस ओ राष्ट्रिय कार्ययोजना–२०८२ कार्यान्वयनसम्बन्धी प्रदेशस्तरीय कार्यशालामे सहभागीहुकनसे लंैगिक समानता ओ महिला अधिकारके सवालहे नीति, बजेट ओ वार्षिक कार्यक्रममे प्राथमिकताके साथ समेटेक पर्ना बटैलै । एयनके सहयोग तथा साथी संस्थासे सञ्चालित परियोजनाअन्तर्गत कार्यक्रम आयोजना करल हो ।

कार्यक्रममे सुदूरपश्चिम प्रदेशसभा सदस्य सन्तोषकुमारी शर्मा थापाले राष्ट्रिय कार्ययोजनाके प्रभावकारी कार्यान्वयनके लग संघीय तहमे हुइटी आइल सार्वजनिक निकायके स्वमूल्यांकन, प्रतिवेदन, सुधार ओ सुझाव कार्यान्वयनके अभ्यास प्रदेश ओ स्थानीय तहसे फे करेक पनौ बटैली ।

उहाँ लंैगिक सवालहे बजेटसँगे प्रत्यक्ष रूपमे जोरना सेकना किल कार्ययोजनाके प्रभावकारी कार्यान्वयन सम्भव हुइना बटैली । ‘राष्ट्रिय कार्ययोजनासे संघ करल सार्वजनिक निकायके स्वमूल्यांकन, प्रतिवेदन, सुधार, सुझाव ओ कार्यान्वयनके अभ्यास अब्बे प्रदेश ओ स्थानीय तहसेफे करलपर्ना,’ उहाँ कहली, ‘लैंगिक उत्तरदायी बजेटसँगे जोरना सेकल एकरके प्रभावकारिता अभिन बह्री ।’

कार्यशालामे सिडा के मुख्य सिद्धान्त, नेपालसे करल अन्तर्राष्ट्रिय प्रतिबद्धता, सिडा समितिसे प्राप्त सिफारिस, राष्ट्रिय मार्गचित्र ओ लैङ्गिक समानता ओ महिला अधिकारके क्षेत्रमे इहिन सान्दर्भिकताबारे छलफल करल रहे ।

ओस्टेक, सुदूरपश्चिम प्रदेशके लग सिडा मार्गचित्र बटाइल प्राथमिकता ओ सिफारिसहे प्रदेश ओ स्थानीय तहमे कैसिक कार्यान्वयन कैना कहटी विषयमे सरोकारवालाबीच समूहगत छलफलसमेत करल रहे ।

कार्यक्रममे सिडा सम्बन्धी सत्रके सहजीकरण बन्दना राणासे करले रहिट कलेसे प्रादेशिक प्राथमिकतासम्बन्धी सत्र पलिता थापा सहजीकरण करले रहिट । समूहगत छलफल ओ प्रस्तुतीकरण टमान समूहके सहजकर्तासे सहजीकरण करल रहे ।

स्थानीय तहके प्राथमिकतासे महिला समानता नीतिसम समूहगत छलफलके क्रममे स्थानीय तहसे टमान महत्वपूर्ण प्रतिबद्धता प्रस्तुत करल बा । स्थानीय तहसे आगामी आर्थिक वर्षसे स्थानीय महिला समानता नीति तर्जुमे कैना ओ ओकर कार्यान्वयनके लग कार्ययोजना निर्माण कैना प्रतिबद्धता जनैले बटै ।

ओस्टेक, लंैगिक ओ सामाजिक अवस्थासम्बन्धी खण्डीकृत तथ्यांक संकलन ओ अभिलेखीकरण कैना, विशेष संरक्षण आवश्यक पर्ना महिलाके लग विशेष कार्यक्रम वार्षिक योजनामे समावेश करके कार्यान्वयन कैना प्रतिबद्धता करल बा ।

महिला ओ हिंसा प्रभावितके लग कानुनी सहायता, सेफ हाउस, मनोसामाजिक परामर्श, पुनःस्थापना ओ सशक्तीकरणके कार्यक्रम सञ्चालन कैना विषयहेफे स्थानीय तहसे प्राथमिकतामे राखल बटै ।

परम्परागत ओ हानिकारक सामाजिक व्यवहारके पहिचान करके ओकर न्यूनीकरणके लग विशेष कार्यक्रम स्थानीय तहके वार्षिक योजनामे समावेश कैना ओ महिलाके नेतृत्व विकासके लग तालिम सञ्चालन कैना प्रतिबद्धताफे समूहगत छलफलसे आइल बा ।

सहभागीहुकनसे स्थानीय तहमे नीति निर्माण हुइलफे ओकर प्रभावकारी कार्यान्वयन ओ अनुगमन कमजोर हुइना करल कहटी आगामी दिनमे नीति, योजना, बजेट ओ कार्यान्वयनबीच प्रत्यक्ष सम्बन्ध स्थापित करेकपर्नामे जोड देहल रहे ।

लंैगिक उत्तरदायी बजेटके लग सञ्चारमाध्यमसे पैरवी कैना कार्यशालामे सहभागी पत्रकारहुकनके समूहसेफे सिडा ओ महिला अधिकार कार्यान्वयनमे सञ्चारमाध्यमके भूमिका प्रभावकारी बनैना प्रतिबद्धता जनैले बा ।

पत्रकार समूहसे स्थानीय तहमे लंैगिक उत्तरदायी बजेट निर्माण हुइल नै हुइलके विषयमे सञ्चारमाध्यमसे निरन्तर पैरवी कैना प्रतिबद्धता जनैले बा । साथे, लंैगिक उत्तरदायी बजेट ओ महिला अधिकारके सवालमे सरोकारवालासँगे विशेष बहस ओ अन्तरक्रिया कार्यक्रम सञ्चालन कैना प्रतिबद्धता करल बा ।

स्थानीय भाषा ओ समुदायसे सहज रूपमे बुझ्ना करके लैङ्गिक समानता, महिला अधिकार ओ सिडा सम्बन्धी चेतनामूलक सामग्री तयार करके प्रकाशन ओ प्रसारण कैना पत्रकार समूहके प्रतिबद्धता बा ।

ओस्टेक, समाजमे सकारात्मक परिवर्तन ल्यानल महिला ओ समुदायके प्रेरणादायी कथा ओ सफलताके सामग्रीहे प्राथमिकताके साथ प्रकाशन ओ प्रसारण कैना, सिडा सम्बन्धी जनचेतनामूलक सामग्री उत्पादन ओ प्रकाशन–प्रसारण कैना प्रतिबद्धताफे पत्रकार समूहसे जनैले बा ।

सञ्चारमाध्यमसे महिला अधिकारके सवालमे खबर प्रकाशन कैना किल नै हुइल नीति ओ कार्यक्रम कार्यान्वयनके निगरानी, सार्वजनिक जवाफदेहिता ओ सरोकारवालाबीच संवाद निर्माणमे समेत भूमिका निर्वाह करेकपर्नामे सहभागीहुकनसे जोड देहल रहे ।

तीन दशकसे महिला अधिकारके क्षेत्रमे साथी कार्यशाला साथी संस्थाके आयोजनामे हुइल हो । साथी संस्था विगत तीन दशकसे लंैगिक समानता, महिला ओ बालबालिकाके अधिकार, लंैगिक हिंसा रोकथाम ओ हिंसा प्रभावितके संरक्षण ओ सशक्तीकरणके क्षेत्रमे निरन्तर क्रियाशील रहटी आइल बा ।

संस्थासे सुदूरपश्चिम प्रदेशमे प्रदेश ओ स्थानीय सरकार ओ सम्बन्धित सरोकारवालासँगेके समन्वय ओ सहकार्यमे लंैगिक हिंसा प्रभावित महिला ओ बालबालिकाके संरक्षण, सेवा प्रवाह ओ सशक्तीकरणके टमान कार्यक्रम सञ्चालन करटी आइल जनैले बा ।

नेपालसे कार्यान्वयनके क्रममे प्राप्त करल सिफारिसहे प्रभावकारी रूपमे लागू कैना महिला, बालबालिका, लंैगिक तथा यौनिक अल्पसंख्यक ओ सामाजिक सुरक्षा मन्त्रालयसे राष्ट्रिय मार्गचित्र–२०८२ आघे सारल हो । उ मार्गचित्रहे प्रदेश ओ स्थानीय तहसम प्रभावकारी रूपमे कार्यान्वयन कैना साझा बुझाइ, समन्वय ओ सहकार्य आवश्यक रहल आयोजकके कहाइ बा ।

कार्यशालाके अन्तिम चरणमे मन्त्रालय, स्थानीय सरकार, नागरिक समाज ओ गैरसरकारी संस्था, सञ्चारमाध्यमलगायत सरोकारवालासे अपन तहसे कैना प्रतिबद्धता प्रस्तुत करल रहे । सहभागीहुकन सिडाके सिफारिस ओ राष्ट्रिय कार्ययोजनाहे कागजमे सीमित नैराख्टी नीति, बजेट ओ व्यवहारमे कार्यान्वयन करेकपर्नामे जोड देहल बटै ।