अबैध लागूऔषध सहित तीन जाने पक्राउ
पहुरा |
१६ आश्विन २०८३, शुक्रबार
पहुरा समाचारदाता
धनगढी, १६ कुवाँर । कैलाली जिल्लाके टमान ठाउँसे अबैध लागूऔषध सहित तीन जाने पक्राउ परल बटै ।
लम्कीचुहा नगरपालिका–४ खल्लासे अवैध लागूऔषध खैरो हेरोइन ५० मिलिग्राम सहित उहे ठाउँ बैठना वर्ष २८ के भरत डम्बर पाल समेत २ जानेहे पक्राउ परल बटै ।
बिफेक बिहान इलाका प्रहरी कार्यालय लम्की, कैलालीसे खटल प्रहरी टोलीसे शंका लाग चेकजाँच करके उ पदार्थ फेला पारके पक्राउ करल बा ।
ओस्टेक करके, कैलाली जिल्लाके लम्कीचुहा नगरपालिका–४ बैठना वर्ष १९ के सेरे कना सुरेश भण्डारीहे पक्राउ करल बा ।
बिफेक रोज दोप्हर अवैध लागूऔषध खैरो हेरोइन १ सय ६० मिलिग्राम सहित इलाका प्रहरी कार्यालय लम्की, कैलालीसे खटल प्रहरी टोलीसे उहाँके घर खाँनतलासी करके उ पदार्थ फेला पारके पक्राउ करल बा । इ सम्बन्धमे प्रहरी आवश्यक अनुसन्धान करटी रहल जनैले बा ।
