दलित सशक्तिकरण ऐन पास कैना कौनो बाधा नैकरबः मन्त्री शर्मा
पहुरा समाचारदाता
धनगढी, २८ कुवाँर । सुदूरपश्चिम प्रदेश सरकारके सामाजिक बिकास मन्त्री सन्तोष कुमारी थापा शर्मा दलित सशक्तिकरण ऐन पास करेक लग प्रदेश सरकार कौनो फे बाधा नै कैना बटैले बटी ।
दलित अधिकार मञ्च कैलालीसे बुधके रोज धनगढीमे उ ऐन संशोधन बिषयमे आयोजना करल संवाद कार्यक्रममे उहाँ उ बाट बटवाइल रहिट । दलित सशक्तिकरण ऐनके ड्राफट सदनमे टमान बर्ष पहिले पेश हुसेकल बा उहाँ कहली । इ ऐन संशोधन कैना कना गलत हो, यिहीहे यथासिघ्र पास कैना जरुरी बा । समितिमे राज्य मन्त्रीहे ढारके हुइलेसेफे पासकरेक परल प्रदेश सरकार बाधा नै बनी ।
उहाँ कहली दहित समुदायहुकन अधिकार सम्पन्न बनैक लग इ ऐन ल्यानक खोजल हो । यिहीहे पास करेक लग सक्कु जाने सहयोग करना जरुरी बा ।
कार्यक्रमके बिशिष्ट अतिथि प्रदेश सभासदस्य धर्मराज पाठक ऐन ल्यानेक नै परल कना बुझाइ अस्पस्ट बा । ऐन ल्यानके कार्यान्वयन करलेसे किल दलित समुदायहे अधिकार सम्पन्न बनाइ सेक्जाइ । अपने सामाजिक बिकास समितिमे रहल कहटी ऐन ल्यान्नमे तयार रहल मने, सरकारसे सहयोग करेक पर्ना बटैलै ।
कार्यक्रममे सचिता नन्द जोशी उ ऐनके संशोधन प्रस्तुत करल रहिट । खुल्ला छलफलमे प्रेम बिसी ऐन ल्यान्नसे आघे घेचा डब्ना काम हुइटीरहल बटैलै । अपाङग ऐन ल्यानके अधिकार सम्पन्न बनाइ नै सेक्जाइ इ ऐन जस्ते आइल रहे ओस्टे पास करेक परल ।
टेक बहादुर बिक उ ऐनमे रहल निर्देशक समिति खरेज करेक कर्ना बटैलै । आरडिएनके प्रेम बिक अभिनफे दलित समुदाय उप्पर बिभेद कैटीरहल ओरसे हाली ऐन ल्यानेक पर्ना बटैलै ।
संवाद कार्यक्रममे सामाजिक बिकास मन्त्रालयके कानुन सचिव दान बहादुर बिक, फेदोके बिनोद घिमिरे, अधिवक्ता पुष्पा बिक्रम शाही, राजेन्द्र रैका, इन्सेकके कृष्ण बिक, अधिवक्ता, दिवानी राम लुहार लागयत अपन बाट राखल रहिट ।
कार्यक्रम दलित अधिकार मञ्चके अध्यक्ष साबित्र घिमिरेके अध्यक्षतामे हुइल कार्यक्रमके सञ्चालन मञ्चके कार्यक्रम संयाेजक सिर्जना पराजुली करल रही ।
