अवैध केराउ बरामद

पहुरा समाचारदाता
धनगढी, २३ कार्तिक । कैलाली टीकापुर नगरपालिका–९ खक्रौला पुरान भन्सार लग्गे अबैध मालसामान नुका छिपाके धारल १५ क्वीन्टल केराउ बरामद हुइल बा ।

भारतओर चोरी पैठारी हुई लागल कना सूचनाके आधारमे प्रहरी चौकी कालाकुण्डासे खटल प्रहरी टोली बेवारिसे अवस्थामे रहल ६० कट्टा (१५ क्वीन्टल) अवैध केराउ फेला पारी बरामद जिल्ला प्रहरी कार्यालय कैलालीके प्रवक्ता प्रतिक विष्ट जनैलै ।

केराउ एक लाख बाह्र हजार पाँच सय बराबरके रहल जनागिल बा । बरामद करल केराउ अँटवारके रोज भन्सार कार्यालय सत्तीमे पठाइल बा ।