थारु सर्ट फिल्म विग्रल ठरुवाके छयाङकन ओराइल

पहुरा समाचारदाता
बर्दिया, २२ अगहन । थारु भाषाके ‘विग्रल ठरुवा’ सर्ट फिल्मके छयाङकन हुइल बा । रामराधव आचार्यके निर्देशनमे रहल विग्रल ठरवा सर्ट फिल्मके कथा दिनेश चौधरीके रहल बा । छयाङकन तथा सम्पादन शुभाष दहितके रहल बा ।

बर्दियाके ठाकुरद्वारा, सतघरवा ओ नेउलापुरमे छयाङकन हुइल उ फिल्मके मुख्य कलाकारमे चर्चित मोडल तथा गायक खगेन्द्र नेपाल, मञ्जु चौधरी, रंजिता चौधरी, आयुस चौधरी, आरती चौधरी ओ मनिष पोख्रल रहल बटै ।

सर्ट फिल्म ‘विग्र्रल ठरवा’के भिडियो संघारी मिडिया युट्युव च्यानल मार्फत यिहे अइना शनिच्चरके रोज भुरी गाउँँसे सार्वजनिक हुइना यूटयूवके प्रोपराइटर शुभाष दहित जानकारी डेलै ।

थारु भाषाके ‘विग्रल ठरुवा’ सर्ट फिल्म ३० मिनेटके रहल बा । उ फिल्ममे समाजमे विग्रल ठरवाहे सुधार कैना उद्देश्यसे बनागिल बा ।