हिमशिखरसे कैलारीमे शाखा उद्घाटन

पहुरा समाचारदाता
हसुलिया, १० फागुन । हिमशिखर बहुउद्देश्यीय सहकारी सस्था लिमिटेडसे कैलाली जिल्लाके कैलारी गाउँपालिका–५, सुर्मिनाला बजारमे शाखा उद्घाटन करले बा ।

सुदूरपश्चिम प्रदेश सभा सदस्य वीरमान चौधरीके वरका पहुनामे हुइल शाखा उद्घाटन कार्यक्रममे खास पहुना कैलारी गाउँपालिका अध्यक्ष लाजुराम चौधरी, दीपेन्द्र माविके प्रअ विनोद भट्टराई, समाजसेवी कृष्णप्रसाद चौधरी, कैलारी सहकारीके अध्यक्ष बतासु चौधरी लगायत मन्तव्य व्यक्त करले रहिट ।

शाखा उद्घाटन कार्यक्रममे सहकारीके बारेमे संस्थाके प्रबन्धक महेन्द्र शाही जानकारी डेहल रहिट । हिमशिखर बहुउद्देश्यीय सहकारी संस्था लिमिटेडके अध्यक्ष दुर्गाप्रसाद भण्डारीके अध्यक्षतामे हुइल कार्यक्रममे संचालन सचिव विमलकुमार जोशी ओ स्वागत मन्तव्य उपाध्यक्ष रोशन सिंह करले रहिट ।

धनगढीमे प्रधान कार्यालय रहल सहकारीसे कैलारीमे शाखा उद्घाटनपाछे कुछ दिनमे अत्तरियामे शाखा उद्घाटनके तयारी करटी रहल कैलारी शाखा प्रमुख यूवराज जोशी बटैलै ।

कार्यक्रममे हसुलिया बजार व्यवस्थापन समितिके अध्यक्ष नेपालु चौधरी, टमान सहकारी, सामुदायिक वन, संघसंस्थाके प्रतिनिधि ओ हिमशिखर बहुउद्देश्यीय सहकारी संस्थाके समिति÷उपसमितिके पदाधिकारीहुकनके उपस्थिती रहे ।