कोरोना संक्रमणसे कैलालीमे आज ८ के मृत्यु

धनगढी, २७ वैशाख । कोरोना संक्रमणसे कैलालीमे आज ८ जहनके मृत्यु हुइल बा ।

धनगढीस्थित सेती प्रादेशिक अस्पतालमे भिमदत्त नगरपालिका ५ के ३३ वर्षिय पुरुष, घोडाघोडी नगरपालिका १० के ६७ वर्षिय पुरुष, धनगढी उपमहानगरपालिका ३ के ६८ वर्षिय पुरुष, धनगढी ३ के ८७ वर्षिय महिला ओ धनगढी १८ के ४२ वर्षिय महिलाके संक्रमणसे मृत्यु हुइल जिल्ला प्रशासन कार्यालय कैलालीके सूचना अधिकारी शिवराज जोशी जानकारी डेलैं ।

अस्टेक टीकापुर अस्पतालमे टीकापुर नगरपालिका १ के ५१ वर्षिय महिला ओ टीकापुर ७ के ६३ वर्षिय महिलाके मृत्यु हुइल बा । जानकी गाउँपालिका १ के ६७ वर्षिय महिलाके अस्पतालसे घरे पुगरलपाछे ज्यान गैल सूचना अधिकारी जोशी जानकारी डेलैं ।