पहिरोसे भीमदत्त राजमार्ग अवरुद्ध

डोटी, १ असार । लगातारके वर्षातके कारण डोटीके जोरायल गाउँपालिका–१, गैरासे आघे पहिरोसे ७ पहाडी जिल्ला जोरना भीमदत्त राजमार्ग अवरुद्ध हुइल बा ।

सडक उप्परसे आइल पहिरोके कारण राजमार्ग अवरुद्ध हुइल प्रहरी चौकी गैरा जनैले बा । पहिरोसे राजमार्ग अवरुद्ध हुइलपाछे अब्बे तराईसे पहाडके लाग अत्यावश्यक सामग्री लेके जैटिरहल दजर्नौं सवारी साधन बीच डगरमे रुकल यात्रु हरिप्रसाद बटैलैं ।

अब्बे डोजरसे पहिरो बगैना काम करटि रहल उहाँ बटैलैं । उ राजमार्गसे तराईके दुई जिल्ला कैलाली ओ कञ्चनपुरहे पहाडी सात जिल्ला जोरठ ।